Luoy ang patron

CEBU, Philippines - March 1 na, mga Pangga! Hala! Dili na gyod kapugngan. Motungtong na gyod ko's edad nga makalilinga [age of adolescence KONO], meaning, mahimong sugod karong tunga tunga niining buwana, kalimtanon na gyod ko. Kay two years from now, wa na ta masayod unsa na'y mahitabo sa atong beauty. Beauty sa face and figure. Hinungdan  nga nagsugod na ko'g balibad ron sa mga projects. Kay klaro na intawon kaayong mga wrinkles sa akong mga arms ug legs, nga kaniadto, gikabuangan sa kalakin-an. Ayaw gyod ko'g supaka Restituta de la Cerna kay managsama kita. Nakasinati ta'g mga ups and downs sa atong lovelife. Dili kay ikaw ray nakahunahuna'g hikog. Pero that is already water under a dilapidated bridge. Magkadako ang atong edad, makahunahuna na ta'g unsay maayo unsay dili. Hinuon, dili malimtan ang mga nawataswatas nga mga kagahapon uban sa atong kanhi hinigugma. Lakip na ang mga nahimo nato sa uban, labi na kun entertainer ka, daghan kang gilipay. In fact, nagsugod ko sa pag-angkon, nga entertainer diay gyod ko, niadtong nag-apil apil ko'g 3-act plays [drama nga tolo ka akto] diha sa Sambag 1 Mutual Association [SMAA]. Kay inigka ugma sa among drama, nindot man kaayo ang feedback. Pahalipayan man ta. Matag tuig, dunay drama ug ubang kalingawan diha sa SMAA, labi na kaniadtong wa pa mabahin ang SMAA. Wa pay Upper ug Lower SMAA. Karong nabahin na, daw duna nay kalibgan. Daw duna na'y gamay’ng kasamok. Luoy ang patron, nga pila na ka tuig, gidumdum ang pyesta. Kun tinuod, nga karong nag-anam na ka wa ang mga original nga mga sakop, duna na gyo'y kasamok. Dili unta kini mahimo. Nabahin ang SMAA ug naglibog na ang ubang lumolupyo [hasta ang mga bata], asa sila. (BANAT NEWS)