Philip Hoffman namatay sa drug overdose?

CEBU, Philippines - Gituohan sa mga otoridad nga drug overdose ang rason sa kamatayon sa Oscar-winning actor nga si Philip Seymour Hoffman.

Nakaplagan si Hoffman nga wala’y kinabuhi sa apartment niini sa  Manhattan's West Village sa New York City niadtong Domingo. Suma pa sa inisyal nga  report, duna matud pa nakatusok nga dagom sa bukton sa aktor sa dihang   niresponde ang mga pulis.   Lakip sa mga sikat nga pelikula ni Hoffman niadto naglangkob sa "Mission Impossible III; "The Hunger Games: Catching Fire" ug "The Master." Niadtong  2006, naangkon niini  ang Oscar Award isip  best actor alang sa pelikulang "Capote."

Gipanganak ang aktor niadtong July 1967 sa New York kung diin nakahuman kini  sa kolehiyo sa New York University niadtong 1989. Matud pa nga taud-taud na nga dunay  rekord  ang aktor nga tigamitan og ginadiling drugas.