Mr. and Ms. Carcar 2013

Maayong Sunday mga sweet kabutanding!.  Sa dili pa ang piyesta ugma sa Siyudad sa Carcar, Cebu,  ang inyong Yur's truly kay giimbitar para mamahimong hurado sa Talent's Night sa Mr. and Ms. Carcar. 

Makasulti ko nga maayo gyud moatiman ang mga Carcaranon kay tiaw mo nga gikuha pa gyud mi dire sa Cebu ( mga judges ) sa ilang service vehicle para mahatod mi sa venue. Pero sa wala pa sugdi ang maong kalingawan, usa ka lamiang panihapon ang giandam para kanamo kauban ang mga nagdumala  sa kalihukan, nabusog gyud mi! hehehhehehe!.

 Gamay nga retouch courtesy of Christian Chavez ,ang make up artist sa Buena ManoBalita ug Balitang  Bisdak , kami ni Mam Ligaya Rabago of UP Cebu , fresh and ready naming moatubang sa mga kandidata ug kandidato. Tungod sa kadako sa ilang stage ,  na-hugyaw ko kay kaming mga hurado morampa pa sa entablado inigtawag sa among mga pangalan.  Tungod sa kadako naglibog ko kung asa na ang hagdanan.

Gisugdan sa mga female candidates ang pagpakita sa ilang talento ,dunay nisayaw, nagpakita sa kanindot sa Pilipinas, dunay acting nga nalooy intawon ko sa kandidata kay sagpa dire, sagpa didto, gimudmud sa planggana nga puno sa tubig pero padayon lang gihapon sa pag- emote.  Pagkahuman sa mga girls , siyempre ang mga boys nga mas naabtik ang akong pamati..hahahahha! Dunay nag- fire dancing, dunay acting , dunay nikanta nga feeling nako ako ang giharanahan.

Nahuman ang talents night nga nalingaw ang mga nisaksi. Tungod ugma na ang coronation night sa alas otso sa gabii sa City of Carcar Plaza. Ayaw ninyo sipyata kinsa ang mapili nga Mr. and Ms. Talent  ug  ang makakuha sa titulo. Pagkahuman sa show, gihatod na pud mi og balik sa Cebu ni Mam Ligaya, Christian Chavez as in door to door gyud.

Mao nga mo bow nako sa mga taga Carcar, hinumdum uroy ko sa mga good memories nako sa Carcar,Cebu sa mga panahon nga inlove ko..hahahahaha! Sayang bisag unsaon nako og tan-aw sa palibot atong gabhiuna wala man ang Mr. Carcar sa akong kinabuhi. Pero nakailaila ko aning ulitawo nga gwapito nga si Bj Barolo.

 Pwede kaayo mamahimong Mr. Carcar in the future o pwede usab sa mga artista search pero dili pa mi facebook friend kay busy pa man siya. Nagpa- tag man gud ko og mga pictures nako. Hahahahaha!

Para sa mga candidates sa Mr. and Ms. Carcar 2013 good luck ninyong tanan! .Usa sa mga tips nga akong mahatag ninyo,  believe in yourself!. Kung dili man gani ninyo malangkat ang titulo pero ang imong kasinatian magpabilin hangtud ikaw matigulang! . Happy Fiesta Carcar, Cebu ug Viva Saint Catherine of Alexandria!