Brazil ang angayan!azil ang

CEBU, Philippines - Si Miss Brazil Jakelyne Oliveira ang para sa beauty pageant site Global Beauties ang haom mudaog isip Best in Swimsuit sa Miss Universe, human sa gipakitang maayung labok niini atol sa preliminary competition adtong November 5. Ang makabibihag matud niini nga pamorma sa lawas ug ang hugyaw niini nga pinasuhan, haom og perfect 10!

Para sa mga beauty expert sa maong sikat nga pageant site, haom nga maglangkob sa winner circle mao ang musunod;

2nd place: Israel

3rd place: Venezuela

4th place: Haiti

5th place: Panama

 Best in Africa: Gabon

Best in Americas: Brazil

Best in Asia: Israel

Best in Caribbean: Haiti

Best in Europe: Spain

Best in Oceania:Australia

P5M sa  unang adlaw

Nagmaya  ang Regal Films gumikan kay mikita og P5million ang unang adlaw sa pagpasalida sa pelikulang Status: It's Complicated.

Nakadawat og mga positibo nga reaksyon ang maong pelikula nga gibidahan nila ni Maja Salvador, Jake Cuenca, Paulo Avelino, Eugene Domingo ug  Solenn Heussaff.

Masaligon ang direktor niini nga si  Chris Martinez nga mosaka pa kini og maayo samtang nagdagan ang pagpasalida niini sa mga sinehan.

Francine Garcia pasok sa Villa Quintana

Ang Super Sireyna grand winner nga si Francine Garcia maoy modala sa karakter ni Kadyo sa  TV remake sa Villa Quintana sa GMA-7.

  Una nga gidala ni Philip Lazaro ang maong karakter sa movie version niini niadtong 90's. Mapasigarbohong gibutyag ni Francine nga wala siya moagi og audition sa nahisgutang serye.

 "Mahirap lang kasi kailangan i-downgrade yung physicality. Kasi kailangan mag-blend in sa character na nasa barrio. So kailangan 'yung way of clothing, kailangan i-tone down," suma pa ni Francine ngadto sa GMA News.

    Paambit pa niya nga sa unang adlaw sa taping,  gipabalik siya sa direktor nga si Gina Alajar  aron mag-ilis og sapot nga dili pang-elegante lantawon.

   Mapasalamaton si Francine sa gihatag nga oportunidad sa GMA-7 ug mao kini ang labing una niya nga serye.

"Siyempre iyong future at saka the lifelong dream of becoming an actress. Kasi siyempre hindi naman lahat nagiging performing artist. Hindi naman lahat ng third kind nabibigyan ng chance especially transgenders as we are. Hindi naman lahat ng nagko-cross-dress nabibigyan ng chance," dugang pa niya.

Bea gisorpresa ni Jake

Wala damha ni Bea Binene nga molugwa sa iyang 16th birthday party ang iyang ex-boyfriend nga si Jake Vargas ug mao kini ang nahimong dalan aron magtagad sila og balik.

Suma pa sa aktres nga kauban niya sa party ang mga bata nga dunay sakit nga cancer apan sa tunga-tungang bahin sa maong kalihukan, miabot og kalit si Jake.

Nangayo pa og despensa si Jake nga na-late siya og abot gumikan kay naaberya ang iyang sakyanan.

Gipasabot ni Bea nga wala siya'y ideya nga maabot ang iyang kanhi uyab kinsa taud-taud na niya nga wala tinggi.

Una na nga mipasangil si Bea ngadto kang Jake nga matud pa nagpa-cute og laing babaye samtang naa pa sila'y relasyon  ug nakatutok usab permi ang oras niini ngadto sa barkada.

Wala na hinuon ugkata ni Bea ang mga nangagi ug mapahiyomon niya nga gipasalamatan si Jake sa sorpresang gibuhat niini sa iyang birthday.