Mabatyagan Na: Mas Kusog, Lig-on Nga CCTN!
CEBU, Philippines - Pormal na nga gipahibalo sa tag-iya sa CCTN Channel 47 Nonito Dodong Limchua nga usa ka “big month†sa maong istasyon ang September gumikan kay masaksihan na sa mga Sugbuanon ang mga bag-ong programa dungan sa gihingusgan nga pwersa aron paghatud og balita ngadto sa katawhan.
Nagkanayon si Limchua nga minilyon ang gigasto nila sa pag-umol og mga bag-ong antenna ug transmitter aron mokamang pag-ayo ang signal sa CCTN ngadto sa bisan asa nga suok sa nasud.
“Duna man gyu’y mga lugar nga dili maabtan sa mga major network, pero ang CCTN, maabot na ngadto ug klaro pa gyud kaayo. Tungod na sa bag-o nato nga mga gamit,†matud pa ni Limchua atol sa press conference adtong Lunes.
Dugang pa niya nga ang CCTN maoy supplier sa pipila ka kahimanan sa ubang mga istasyon.
Gipalig-on og samot sa CCTN News and Public Affairs department niini ug maabot gyud ang pagpasundayag niini ngadto sa kaulohan.
“Bisan makita na ta didto sa Luzon, bisaya gihapon ang atong gigamit, kay kahibalo baya ta nga daghan pud nga mga tawo nga gikan sa Visayas ug Mindanao ang nagpuyo sa maong area. Ipasigarbo natu ang atong pinulongan,†dugang ni Limchua.
Matud pa ni Limchua nga ang nakahugyaw sa CCTN, dali ra sila makaumol og live report gumikan kay duna sila’y backpack antenna busa dali ra nila nga mahatud ang mga breaking news ngadto sa katawhan.
Mosikad na karong September 9 (5-6pm) ang local news program nga “Sayri 47†nga dumalaon sa duha ka mga abogado nga sila si Atty. Ruphil Bañoc ug Atty. Divine Flores.
Gipaabot ang hugyaw nga studio sa maong programa kung diin langkoban kini sa mga dagko nga LED screens.
Ang usa sa mga anchor nga si Bañoc nisaysay nga nindot nga mogahin sila og oras sa pag-umol og diskusyon kalabot sa mga isyu.
Dako usab nga bentaha gumikan kay makapaambit sila sa kaalam nila sa pamalaod ug ila kini nga i-deliver gamit ang termino nga sayon sabton sa publiko.
Matud pa ni Bañoc nga sakop na sila ni Flores sa media sa wala pa sila nahimong abogado ug abogada busa nasayod na sila kung unsa mga pulong nga gamiton nga sayon sabton sa katawhan.
“What makes ‘Sayri 47’ program unique is, after the newscast, we have an opinion portion with high-level discussion on the day’s hottest issues and we will be presenting both sides of the story. While being lawyers might give us the tendency to be too technical with the terms, we’ve also been part of the media for a long time, so we’ve learned to impart these in layman’s terms,†saysay pa ni Bañoc.
Magpares usab ang mga banggiitan nga sila si Manny Rabacal ug Malou Inocando-Tabar sa morning show nga “Hello Cebu†kung diin mopaambit sila sa ilang mga panahom sa init nga isyu sa katilingban.
Malantawan na usab matag Domingo (7-8pm) ang programang “Politics and Beyond†kung diin ang host niini mao ang kanhi National Defense Secretary nga si Norberto Gonzales ug paresan siya sa youth leader nga si April Seville.
Adunay replay matag Lunes (3:30-4:30pm) ang maong programa kung diin maghisgot kini sa kasamtangang sitwasyon sa nasud.
Gipasigarbo sa CCTN ang programang “Co-op TV†uban sa beteranang maninibya nga si Malou Guanzon-Apalisok nga malantawan matag Sabado (6-7am) ug duna kini replay pagkagabii (5:30-6:30pm).
Maghatud kini sa tingog sa sektor sa kooperatiba ug makakuha usab ang mga viewers og kasayuran sa mga kooperatiba nga naghatag og kaayohan sa katawhan.
Isip sakop sa Cebu News Co-op sulod sa dugay na nga panahon , tulin na ang pagpaambit niya sa kultura sa kooperatiba.
Dili usab magpaulahi ang programang “Faith in Action†sa matag adlaw nga Biyernes (10pm-11pm) ug dunay replay sa Sabado (1-2pm).
Sila si “Tatay Dodong†Limchua ug Malou Inocando-Tabar ang mga hosts sa maong programa kung diin ang ilang mga special guests mopaambit sa kaagi sa ilang kinabuhi ilabi na ang pagsagubang sa mga suliran apan nasulbad gumikan sa dakong pagtoo nila sa Kahitas-an.
Samtang gipahibalo usab ni Cebu Archbishop Jose Palma nga aduna siya’y umaabot nga programa sa CCTN nga masaksihan karong Disyembre nga nag-ulohan og “Sangyaw sa Pagtooâ€.
Nagkanayon si Palma kinsa mao usab ang pangulo sa Catholic Bishops' Conference of the Philippines nga pinaagi sa maong TV program, mapalapdan usab niya ang pagsangyaw sa mga pulong sa Ginoo.
- Latest
