Hero’s welcome

CEBU, Philippines - Hugyaw nga  hero's welcome karong buntag ang idalit sa mga tawo sa Aklan sa pag-uli ni Jonathan Abut sa maong dapit. Si Jonathan maoy grand winner sa business reality show nga "The Apprentice Asia."

Padayon ang show

Giangkon ni  Gary Valenciano nga duna siya’y problema sa tutonlan apan gipadayon gihapon niya ang iyang konsyerto niadtong Martes sa gabii.  Gidayon usab niya ang lain niya nga concert kagabii.

Jason nagpabiling sikat

Igo lang gikataw-an ni Jason Abalos ang obserbasyon sa iyang mga kritiko nga matud pa nagkahupas na ang iyang career. Suma pa ni Jason nga dili siya makaingon nga nahanaw na ang iyang career sanglit  nakalinya man ang iyang mga proyekto sa ABS-CBN.

Focus sa trabaho

Gikalimtan na ni Joseph Bitangcol ang mga isyu nga matud pa nga usa siya ka palahubog. Dili na motubay si Joseph sa maong istorya aron maka-focus na siya sa iyang trabaho.

Sandara nagpasalamat sa mga Pinoy

Mapasalamaton sa mga Pinoy ang 2NE1 member nga si Sandara Park gumikan kay iyang nabatyagan sa mga online forum nga daghan gihapon ang nihangop sa iyang grupo dinhi sa nasud. Aminado si Sandara nga daghan na karon ang nisulpot nga mga bag-ong grupo. (Sanden J. Anadia)