“Red Bullet”

Maayong Sunday mga Sweet Kabutanding! Kanindot sa  feeling nga  usa na pud ka dekada ang akong  bugnuon sa industriya kung asa ko karun apan mas dali nalang kini sa inyong Yur’s truly kung naa lang gihapon mo…Mao nga panukad na tungod kay Domingo na! BisChika na! NaHugyaw ko niaging semana sa dihang nahuman ko og raket sa Alta Cebu Resort padung nako mo sleeping beauty kalit lang ni ring ang akong mobile phone, usa ka higala ang nanawag sa pikas linya si Jay Jabonero. Sa walay pagduhaduha akong gitubag with full of energy. Usa ka imbitasyon, tungod kay duol sa akong kasingkasing si Dr. Jay Jabonero abtik ko nakailis para moadto sa iyang imbitasyon. Pag abot nako sa usa ka Korean restaurant gisugat ko ni Dr. Jay Jabonero ug nisulod sa restaurant.  Ang imbitasyon ni Dr. Jay Jabonero kay ang pagtan-aw sa usa ka Cebuano Indie Film ang “RED BULLET.” Gipahimutang nako ang akong kaugalingon ug sa akong nahimutangan didto nako nailaila ang bida sa maong salida nga si Ms. Em Aspiras. Sa tinuod lang, naHugyaw ko sa maong Cebuano indie film tungod kay usa kini ka action film nga ang bida usa ka babaye, puno sa aksyon ug mga eksena hinungdan nga nakapangutana ko ni Ms. Em giunsa niya ang maong mga eskena. Tuod man pagkahuman sa screening mao ang mubo nga Q and A portion, best in Q and A ko gikan sa bida, director, hangtud sa mga nagpaluyo sa maong salida. Tubag ni Ms. Em kanako sa mga eksenang mobalitok, sipa, sumbag ug uban pa mao nga sa dili pa sila magsugod naa silay mga rehearsals kauban ang iyang mga co- stars, usahay dili kini malikayan nga matinuod nila mao nga ang ending makabaton sila og mga ginagmay nga bun-og ug mga samad samad sa lawas. Ingon pa sa director  nga si direk Jaiden Cruz “nga ganahan siya nihimo sa maong salida kay usa kini ka action film ug lahi kini kay kasagaran drama ug love stories  man. “

Pagkahuman sa maong Q and A segment, abi nako nahuman na apan naa pa gyud diay sila’y giandam nga sorpresa para kanamong tanan, usa ka pasundayag sa mga talents ang gihalad kanamo sa mga Divas nga hataw kaayo sa ilang pagpakatawa. Infairness, nakatawa ko sa mga pasiaw nila, ug duna koy nakit-an nga bag-o sa akong panan-aw. Mao nga imbes katugon nako, nakamata ko og samot! Unya gipailaila nila ang mga bag-ong talents nga makita sa sunod nga mga e produce nga salida. Usa sa mga gipailaila na shock ko kay nagkaila mi sa usa ka family day, pagkita namo usa na siya ka talent nga angay natong atangan sa atong mga telebisyon, si Kent Tagalog! Ingon ko niya nga dapat iyang i-prove ang iyang worth para magdugay sa industriya ang pagbaton og maayong batasan, dili mag attitude kung dunay mga projects nga buhaton. Nisanong usab si Kent sa akong gisulti, mas ni gwapo og samot kining bataa. Hahahahahhaha!

Red Bullet Cebuano indie film stars Jay Bruce Garcia, Em Aspiras, Greg Lawas, Mitch Tuncupanon and Ervin Del Rosario gi produced sa  TIMOFEY Productions by Dr. Jay Jabonero, Mr. Jaiden Cruz as director and written by Ms. Em Aspiras.

Ang ilang grupo nangita pa og mga aspiring talents nga gusto mahimong parte sa usa ka independent film. Pwede kaayo ninyo makontak si  Dr. Jay Jabonero at 0932 3400 200 or call at 361 6235.

Sunod Domingo para sa Kinsa Siya? Aktres ang tawag na niya kay A! Unsa kini? Ayaw sipyata!

Ayaw usab sipyata ang opinion sa inyong Yur’s truly sa mga init nga issue karun sa kalibutan sa showbiz! Kining tanan para lang gyud kaninyo mga Sweet Kabutanding!