Reward sa kaugalingon

CEBU, Philippines - Luyo sa kalampusan sa seryeng "Be Careful With My Heart,"  nipalit si   Jodi Sta. Maria og  diamond ring isip reward sa iyang kaugalingon. Gihimakak usab niya ang taho nga matud pa hinatag kini sa iyang uyab nga si Jolo Revilla. Matud pa sa tweet sa aktres: "Hold your horses tweeps! The ring is my gift to myself. :) Rewarding myself for all my hard work :)”.

Isabelle magpalahi

Gipadayag sa kanhi child star nga si  Isabelle de Leon nga target niya karon nga  usbon ang istado sa iyang career. Gusto niya nga mailhan na pud siya sa kadaghanan isip singer.

Rachelle Ann ug Erik gipasidunggan

Nakadawat og pasidungog si  Rachelle Ann Go sa bag-ohay lang nga Broadway World Philippines Awards kung diin siya maoy napili nga Best Actress in A Musical alang sa partisipasyon niya sa musical play nga The Little Mermaid. Ang partner niya sa maong play nga si  Erik Santos mao usab ang Best Crossover Artist . (BANAT NEWS)