Beauty queen, walay igbawos?

CEBU, Philippines - Nahugno ang pagbati sa usa ka sikat nga make-up artist ug beauty queen maker sa Sugbo human ang usa sa iyang mga manok, kalit lamang miatras gikan sa usa ka indigay sa kaanyag nga gitinguha niining salmutan. Suma pa nga may nadawat kini nga job offer sa sibo sa iyang propesyon busa mihukom nga dili na lamang mupadayon pa sa nahisgutang indigay sa kaanyag, bisan pa man sa paghago sa nahisgutang beauty queen maker.

Naduslak intawon ang beauty pageant maker, hinungdan nga nag-post kini sa Facebook og pasidaan ngadto sa pubiko matud pa nga kinahanglang magbantay sa mga tawo nga mga mapahimuslanon, sigurista ug tigpakaaron-ingnon, kinahanglan matud pa nga bantayan kay walay mga kaikog.

Suma pa sa usa ka hugyawnatic, dako na matud pa og nagasto ang beauty queen maker sa nahisgutang kandidata unta aron musamot ka gwapa ug sa dihang mi-backout lang dayon. Kinsa ang maong kandidata? Winner og dako nga indigay sa kaanyag.