Asawa ng kilalang aktor biyudo ang bagong karelasyon!
PIK: Ipapasilip sa H.O.T. TV kung paano nabuo ang bagong epicserye ng GMA 7 na Indio. May isi-share dito si Sen. Bong Revilla.
Nakakaintriga rin ang hindi ordinaryong kuwento nila tungkol sa dating asawa ng kilalang aktor na may bagong karelasyon na raw ngayon na isang biyudo. May ideya kami kung sino ito na may mga kuha ng biyahe nila sa ibang bansa.
PAK : Sandaling nagbakasyon si Alfred Vargas kasama ang asawa niyang si Yasmine Espiritu sa Hawaii dahil pagbalik nito ay magiging abala na siya sa darating na eleksiyon.
Si Alfred sana ang napipisil na makasama ni Sunshine Dizon sa guesting niya sa Magpakailanman pero paalis na kasi ito kaya hindi siya pumuwede.
May ilan pang TV guestings sanang binibigay sa kanya, pero tinanggihan niya ito dahil gusto raw niyang ibuhos muna ang panahon sa kanyang pamilya bago siya maging abala sa eleksiyon.
BOOM: Ayaw na muna ni Sarah Lahbati magsalita tungkol sa demandaÂhang isinampa sa kanya ni Atty. Annette Gozon-Abrogar at ng GMA 7 dahil mas mabuting manahimik daw muna siya.
Ayon sa young actress, magsasalita rin daw siya sa tamang panahon.
Nagpalit na muna ito ng numero ng cell phone dahil ang dami na raw nanggugulo sa kanya.
Hindi rin niya masasabi kung kailan ang alis niya pa-Switzerland dahil gusto rin sana niyang mapanood ang Seduction nila ni Richard Gutierrez.Â
- Latest
