BANATanay 2012

CEBU, Philippines - VATSKI: Happy New Year, Garry Lao, ug sa tanang mga loyalista sa Banatanay, nga wala gyuy puas sa pagbasa kanato sa milabay nga pito ka tuig. Grabe no, seven years na diay ta? Wala lang damha nga kung sa tawo pa ning Banatanay, grade one na diay ni. Hahaha! Oh well, time flies so fast gyud, mga friends. Ug karon kay natapos naman ang tuig 2012, atong hisgutan ang mga dagkong issues nga nibida sa atong BANATanay sa maong tuig. First and foremost gyud para nako ang kapildihan ni Manny Pacquiao. Kaduha gyud, una kang Timothy Bradley sa USA niadtong Hunyo ug katong bag-o lang kang Juan Manuel Marquez sa Mexico. Matud pa sa mga katol og dila, humana kuno ang panahon ni Pacquaio isip hari sa boxing ring, busa mas maayo nga mo-retire na lang kini siya. Another big issue, Gar, mao ang panagbuwag ni Derek Ramsay ug ni Angelica Panganiban, nga gisundan dayun og laing makabungog nga panghitabo: ang pagkalambigit ni Angelica kang John Lloyd Cruz. Una, deny to death pa ang duha nga sila na, apan takwahaw lang sab ni silang miangkon nga sila na gyud diay. Ana gyud na’ng mga artista, maglibog ta. Daghan pang mga issues last year nga atong gi-Banatanay, Gar, di ba? Apan ang dili gyud mawa sa listahan, mao ang kanunay’ng ratings game sa duha ka giant TV network: ang ABS-CBN ug GMA7. Matud pa sa AGB Nielsen hinuon, nag-una gyud pirmi ang GMA7 sa milabay’ng tuig. Sa tibuok adlaw, hilabi na sa prime time. So kudos sa GMA sa pagpadayon nga numero uno sa tibuok Pilipinas.

GARRY: Happy New Year! Daghang isyu kitang nahisgutan sa Banatanay pero grabe gyud ang gabaha nga komentaryo mao ang relasyon nilang John Lloyd ug Angelica plus Piolo Pascual ug KC Concepcion. Aguruy! Si John Lloyd ug Angelica miingon nga intriga ang ilang relasyon kay aduna’y i-promote nga salida. Plus Piolo ug KC break-up. Hangtod karon gilalisan pa kung kinsa ang numero uno. Ang ABS-CBN bah ug GMA, well no question sa TV5 kay pabiling ika-tulo man sila. Hinuon, Vatski, ang dumadapig ra gyud maoy mo-desider kung kinsa gayud ang numero uno kanila. Apan sa pagbukas sa tuig 2013, dili sa tanang higayon anaa ka sa taas, usahay mo-ubos usab. Dili kanuna’yng motaob ang dagat, kay mohunas ra usab kini. Ang labing importante nga kahibalo kita mo-uyon-uyon sa panahon. Ang kalibutan ug kita susama og showbiz! Artista kita sa atong kaugalingong kinabuhi, depende ra unsa atong papel nga gidala sa atong kinabuhi. 

Happy New Year!