Loveless Slater

Mao Na Ni All Over The World mga Ka Tribung BisChikadora! Hugyaw nga pagsuway akong naagian niaging semana, saksak sinagol ang tanan, maayo na lang ang inyong Yur's truly nakapabuhagay sa gibati tungod sa mga amiga nga naa sa akong kiliran nga andam maminaw. Mas nahuwasan ko kay ako kining gisimba ug gi ampo nga unta makaya nako ang tanan mao nga karun andam na sa mga muabot nga mga pagsuway, ang importante nga dili ka makalimot og tawag sa Kahitas-an.

Mas nawala ang akong stress sa usa ka imbitasyon ni Ms. Anne Marie Conejero sa Graphic FX for an intimate presscon sa Pinoy Big Brother winner nga si Slater Young. Sa walay pagduhaduha nitikang ko. Tuod man, usa ka fresh, gwapo ug buotan nga Slater ang nisulod sa lawak kay andam na moatubang sa mga igsoon nato sa print media, ug mutubag sa mga pangutana.  Gisugdan usa ang mga pangutana sa business side, kay ang hugyaw si Slater Young mao ang endorser sa Worldwide Home Depot. Sa maong presscon ang mga kadagkuan sa Worldwide Home Depot malipayon kaayo nga ilang ipailaila unya sa publiko ang andam motabang kanato kung duna kita'y mga problema sa panimalay sama sa guba ang imong atop, guba ang imong tubo ug uban pa, dili na ka mabalaka kay naa na si Karlo Karpentero.

Wala malikayi sa maong presscon ang mga personal nga pangutana, sama sa lovelife ni Slater, dakong single diay si Slater karon.Tungod sa iyang sige og workout nakapangutana ko og makakita na ba ko og abs  sa iyang lawas pero malipayong nitubag si Slater nga dili pa sa pagkakarun.

Busy siya karun sa teleserye kauban si Bea Alonzo ug John Llyod Cruz. Gani dugang pa niya, nga sa unang salang niya sa aktingan magsige siya og kasayop pero ang nakanindot suportado siya sa casts sa maong teleserye. Maong para nimo Slater goodluck sa imong career!