Tiktik, graded B ng CEB!
Naka-B sa Cinema Evaluation Board ang pelikulang Tiktik: The Aswang Chronicles na pinagbibidahan ni Dingdong Dantes.
Bilib na bilib sa special effects ng pelikula ang mga nakapanood na.
Ito ang unang pelikula ni Dingdong na siya ang producer at bida kaya naman siya ang personal na nag-aayos para sa showing nito next week.
Twitter account ni Mr. gozon, peke
Peke ang Twitter account ni Atty. Felipe Gozon. Yes, wala siyang Twitter account. Base ito sa statement ng GMA 7.
“This is to announce that GMA Network Chairman and Chief Executive Officer Atty. Felipe L. Gozon does not have a Twitter account. Netizens are advised to disregard fictitious Twitter accounts using his name and photos.”
So klaro. Hindi siya ang nagti-tweet ha.
Hindi lang si Mr. Gozon ang peke ang account, marami pang iba diyan.
Thai superstar nahilig sa pork barbeque at adobo
Masusubukan na ang lakas ng Thai heartthrob na si Mario Maurer sa Pinoy fans sa pagpapalabas ng kauna-unahan niyang Thai-Filipino film na Suddenly It’s Magic, kung saan kapareha niya si Erich Gonzales under Star Cinema at direksiyon ni Rory B. Quintos sa October 31.
Kilala sa kanyang Asian fans bilang si Shone sa hit Thai movie na Crazy Little Thing Called Love, ibinahagi kamakailan ni Mario kung gaano siya kasaya na makasama si Erich bilang leading lady niya sa pelikula.
“Erich is very funny. When we talk, she has so many characters. She’s very playful, that’s why I’m happy to be with her,” ani ni Mario. “She can rap, she can do beat box, and she tries to make me sing for her, and I just wouldn’t!”
Hindi rin naman nalalayo ang panlasa ni Mario sa mga Pinoy. Nagustuhan din ng Thai heartthrob ang iba’t ibang mga pagkaing Pinoy katulad ng Pork Barbeque at Adobo na si Erich mismo ang nagluto para sa kanyang kapareha sa pelikula.
Kinunan sa dalawang major locations--Ilocos sa Pilipinas at Bangkok sa Thailand--nag-aral pang magsalita ng Filipino si Mario.
- Latest
