"Star power"

CEBU, Philippines - GARRY: Kumusta? Busy, busy ang politiko karong semanahona kay filing man sa ilang Certificate of Candidacy this October 1 to 5, 2012. Pwes, dili lang pulitiko, Vatski apil ning mga artista nga magpapili karong mid-term 2013 elections. Well, it’s more fun in the Philippines basta election!

Dili gyud malikayan kay all out casting ang ubang pulitiko sa ilang pag-file sa ilang COC.Unsa’y kalabutan sa ilang pag-file? Props, in short. Naa bay effect niini? In short, naa kay makadasig man sa publiko nga mokuyog kay gusto motan-aw og artista apan dili man ni pangpa-POGI ning piniliay kun dili ang tinuoray nga pagserbisyo sa publiko.

Diri bitaw sa Cebu City, pwes, all out artista ang casting ilabi na kay usa ka talent manager ang modagan pagka-kongresista? So! unsa’y effect ani sa mga botante? Ambot lang, Vatski kay para nako wala ra gyud.

VATSKI: Maayong adlaw, Gar, ug sa tanang mga loyalista sa Banatanay! Sakto gyud ka, Gar, busy sila rong panahona, hasta ang mga taga media para mo-cover sa filing. Pero hugyaw gyud ni rong eleksyona kay nisaad si Annabelle Rama, kandidato pagka-kongresista sa Cebu City North district, nga mokuyog niya iyang mga anak sama ni Ruffa ug Richard Gutierrez ing file niya sa iyang COC. Bongga, di ba? Ayaw nalang ingna nga props ni, Gar, kay sa gipamong pa ni Annabelle, moari iyang mga anak sa Sugbu para mosuporta kaniya. Bisan ikaw man siguro, ganahan gyud in full force ang imong mga mahal sa kinabuhi sa panahon nga mobuhat ka og dakong lakang sama sa paglansar. And don’t say pa-pogi effect ra nang mga ingon ana, kay ana na makit-an kung unsa katakos ang usa ka kandidato, artista man o dili, sa iyang tumong nga moserbisyo. Kining sa case ni Annabelle, tan-aw nako iyang ipakita nga bisa’g artista lang siya, wa kahuman og college, pwede siya’ng moalagad sa taga Cebu City. Naa puy daghang artista nga way ayo, tinuod na, but sa kinaiya ni Annabelle, tan-aw nako, lahi ni siya.

 GARRY: Truly, si Annabelle Rama akong buot pasabot, Vatski kay sikat man ni siya. Samot pa nga artista ang iyang anak nga si Richard Guiterrez nga pwerteng sikata. Sure gyud ko daghan mokuyog aron motan-aw, free na gud, inig file sa COC ni Annabelle Rama. Pero, kining mga artista dili nalang unta magpagamit aron makakuha og public mileage ning ubang pulitiko pero wala ko nagpunterya ni Annabelle Rama kay dili man nato malimod nga mosuporta gyud usab ang iyang anak niya. Hinuon, ang tinud-anay nga casting unya sa inig human na gyud sa election.

VATSKI: Daghan pud nga artista ang misuway sa pulitika ang wa milampos, Gar. Tungod siguro kay kuwang pa, or di gyud sila destined nga mamahimong pulitiko. With Annabelle, aw, ang mga taga Cebu City nala’y mag-igo ana. Kung ganahan sila og bag-ong nawong, then Annabelle sila, pero og Del Mar gihapon ilang taste, then mag-Cutie or Raul sila. Mura’g exciting ni diri sa Cebu City ron, kay kitib lang biya ang baba aning Annabelle. Haha! Anyway, wait and see nalang ta, Gar, unsay hukom sa katawhan next year.

Pangutana:Epektibo pa ba ang pagpabaha og mga artista diha sa pagpangampanya? Makapadaog pa og kandidato ang artista karong panahona?

Paambiti na ang imong opinyon hugyawnatics pinaagi sa pagpadala niini,uban sa imong ngalan ug address ngadto sa: 09179047513.Kutob lamang karong udto,(12noon),ang pagdawat nato sa inyong mga mensahe. Walay personalay ha...tinarong lang nga tubag. Text text na!