The other side of Donaire

CEBU, Philippines - Before anything else, allow me to greet two of my best friends who are celebrating their birthday today gayod, sila’s Wendy Mendoza ug Kuya Mar Abatayo. Sa wa makaila ni Wendy, nakahuman ni siya’g kursong Pharmacy. Pero wa gyod niya gamita ang iyang pagka pharmacist. Kay nag-enjoy siya og mokita ug limpak limpak na salafing Filipinhon as a beautician. Karon, mag-celebrate siya sa iyang birthday, diha sa iyang spacious kaayong parlor nga duna say yard, para ma-extended ang accommodation, diha duol ra gyod sa Gaisano Fiesta Mall sa Tabunok. Yezz, motambong si Kuya Mar Abatayo. Pero inigka ugma, mag-celebrate pod si Kuya Mar sa iyang birthday, sa usa ka nindot pod kaayong restaurant. Motambong pod si Wendy, ug ang very very close friends ni Kuya Mar. Unya, last last Thursday, nakatambong jud ko sa weekly TapokTapok diha sa NS Pension House sa Juana Osmeña. Duha ka set of guests ang panelist. Ang duha ka nominees sa ANAD Partylist nga sila’s Voltaire Balangauan [2nd nominee] ug Atty. Salva [3rd nominee. As we all know, ang first nominee mao si Congressman Pastor Alcover, Jr.

Didto sila atong higayona tungod sa Fun Run nga gipahigayon nila last Sunday [which I presume naman, was very successful], nga ilang gi-announce. Ang laing guest mao si Dandin Ranilla, usa sa mga talented [ug I should say, very passionate like his parents] sons of the late actor Mat Ranillo, Jr., and Visayan movie queen, Gloria Sevilla [ nga Makita sa TV series, “Please Be Careful With My Heart”. Nag-promote si Dandin sa movie nga iyang gihimo nga nag-ulohan og, “Ang Palad Ta Nagbout” nga hopefully kono, ikasalida karong October 21 sa SM Cinema. This is the first starring role of Boxing icon Nonito “The Filipino Flash” Donaire. Heartwarming kaayo ang movie. Nagsugilon sa usa ka inahan [Gloria Sevilla], nga gustong mag-singer ang iyang mga anak [ang usa si Gary Lim]. Apan wa gyo’y hilig sa singing si Donaire, ug nag-boksidor. Lagot kaayong inahan. Wa na siya ilha. Secret na lang ang resulta, please. It also stars Dionne Monsanto, Max Surban, Sam Costanilla, Perla Bautista ug gipaila ang 1st runner up sa Star Power [si Angeline Quinto ang grand winner] nga si Kressel Valdez. Suportahan nato ang Visayan Movies, manan-aw ta, OK? Nagpakita si Donaire sa lain niyang talento dinhi sama atong mi-guest siya sa Gandang Gabi, Vice.