Best in Kuyap-Kuyap

Mnnaotw  mga Ka Tribung BisChikadora! Manghinaut ko nga kitang tanan okay pero kung unsa man ang mga problema nga imong giatubang karun ayaw kalimot sa pagtawag ni Lord, sigurado ko nga ang tanan dunay solusyon. O, pahiyom gamay kuno? Hehehehe. Mao na siya ang sakto, kay sa gamay nga pahiyom mo bahakhak ang world! Nakahinumdum ko sa among panagtapoktapok niaging semana sa akong mga batchmate 1993 - 1994 sa Ramon Duterte Memorial National High School kay bisan gamay lang ang nitunga, pero ang kalipay nga among gibati pang long last! Niapas lang ko kauban ang shofaholic nga si Francis" Angel" Gacasan kay sa mga pangkabuhayan showcase nga gitrabaho nako, sa gamay nga panahon daghan kaayo mi nahisgutan. Feeling nako murag wala'y nausab kanamo kay mura high school lang gihapon, kung naa ma'y nausab mao kini ang among mga lawas kay ang uban parehas na nako mga Butanding! Hahahhaahaha! Dako usab kaayo ang akong pasalamat sa akong ubang batchmate nga bisan layo na sila sa Sugbo nilarga pa sila para lang ang among panagtigum magmalampuson. Siguro ang uban namong mga ka batchmate wala nakauban tungod kay Biyernes kato unya ang mga anak nila naa pa sa eskwelahan, ang uban wala nisugot ang ilang mga asawa, ang uban kay wala ganahi sa venue, ang uban kay layo lang gyud sila, busy sa work pero usa lang ang akong maBisChika…" high school life o ang high school anong saya." Siguro sa sunod na pud nato nga panagtapok di ba Victor Reynes?

Niaging semana usab giimbitar ang akong beauty para mo host sa Rose Pharmacy para sa ilang ika 200th branch, mapasalamaton kaayo usab ko ni Sir Boojie Lim nga dili gyud siya kalimot nako mukuha sa akong serbisyo basta libre ang akong oras sa wala'y pagduhaduha go gyud dayon ko. Usa sa nakapatandog nako kay parte sa ilang programa ang symbolic cutting of ribbon ug ang nakaHugyaw niini kay ang ni-cut sa ribbon ang mga street children nga bitbit sa mga taga DSWD. Ilang gitagaan og pakabana ang mga street children ug usa na niini ang pagsuporta sa mga proyekto nga makatabang og dako sa mga bata. Usa usab ang nakapakilig sa mga bisita kay ang paglugwa sa Romantic Balladeer of the Philippines nga si Marco Sison, bisan pa man nga medyo duna nay edad si Marco Sison pero wala gihapon nawagtang ang karisma sa entablado, gipasayaw, gipakilig, gipa inlab niya ang mga bisita hangtud sa iyang last song nga dunay nakapa emote nako ang iyang own version sa kanta nga Till I Met You. Karung Oktubre duna siya'y bag-ong album nga puros Tagalog, ganahan ko nga makakuha og kopya niini. Wala lang, feel lang nako nga mo drama ig dayon katulog, hahahahhaha! Maminaw sa iyang lovable voice. Salamat sa makausa pa Mrs. Rosario Lim, Mrs. Rosemarie Wong, Mr. Sergio Wong Jr. , Mr Giovani and Tessie Lim. Kudos sa inyong ika 200th branch.

Pero naa ko'y nasagap nga BisChika sa usa ka young actress nga hilig magpakuyap-kuyap basta dili ka knowing sa steps sa sayaw? Hala noh? Ganahan ko sa iyang drama. Ako kaha kining sundon basta di ko ganahan sa akong gikaon sa BuenaMano Balita sa segment nga Food Trip Ta Bai, magpakuyap kuyap ko. Pero ang pangutana duna ba kaha'y moalsa nako? Hahahhaha. Kay kining young actress kay basta makuyapan siya iyang prince charming ang mualsa. Kinsa siya? Hala noh? Nindot na kaayo ang ilang salida matag gabii.

Welcome back to the Queen City of the South my BFF Frances " Angel" Gacasan ug sa akong brother nga si JunJun Deldig. Have fun while naa mo sa Cebu…