Dili Tanan "Maya"

Photos by: Ivan Campos

Name: Franz Marthy Blanco

Nickname: Franz

Age: 21

Date of Birth: October 4, 1990

Place of Birth: Cebu City

Nationality: Filipino

Talent:  Modelling

Hobbies: playing basketball,   surfing the net

Favorite Song: Wherever You Will Go

Favorite TV Station: ABS-CBN

Favorite Singer: Brian McKnight

Favorite Actor: Channing Tatum

Favorite actress: Angel Locsin

Height:  5’11

School: Southwestern University

Course: AB English (4th year)

Mauwawon apan niabot ang panahon nga maantigo na nga moatubang sa daghang tawo.

Siya si Franz Marthy kinsa maoy napili nga Mr. CAS (Sciencia) 2012 nga gipahigayon dili pa lang dugay sa Southwestern University.

Nagtungha si Franz sa SWU sa kursong AB English ug naghinam-hinam na siya gumikan kay mogradwar na siya sunod tuig.

Matud pa niya nga nagsugod na siya sa modeling duha ka tuig na ang milabay apan ikaduha pa niya ka higayon nga misalmot siya og pageant. Nakasuway na usab si Franz nga nahimong print ad model sa usa ka kompaniya nga nagbase sa Sugbo.

“Sa una, mauwaw gyud ko moapil anang mga pageant, kay wala pako’y salig sa akong kaugalingon. Pero duna’y time nga nakaapil ko og workshop, maong nisugot na lang ko moapil og pageant,” suma pa ni Franz.Nasayod si Franz nga dunay ubang tawo ang moingon nga mga “maya” kasagaran ang mangapil og modeling ug mga male pageants apan iyang giklaro nga dili tanan.

“Hahaha, kadungog nako anang istoryaha. Pero dili man tanan, kasagaran man mangapil sa pageants kay mga straight guys man gyud,” suma pa ni Franz. Aminado hinuon si Franz nga dunay ubang mga model nga maya apan iyaha kini nga girespeto.

Kung kalabot usab sa iyang lovelife ang hisgutan, gisaysay ni Franz nga loyal gyud siya sa iyang partner basta makabaton siya og uyab. Sa pagka-karon, gipili ni Franz nga magpabiling single aron maka-focus siya sa iyang pagtungha.

Giangkon ni Franz nga kaupat na siya kasuway og serysong relasyon ug usa sa awayan permi mao ang iyang pagka-seloso.

“Seloso gyud ko pagkatawo, kung loyal gani ka sa imo uyab, siyempre dili gyud ka gusto nga mawala siya nimo. Seloso ko, pero kabalo pud ko asa ko molugar,” matud pa ni Franz.

 Matud pa niya nga dali ra siya ma-turn off kung igaton ang usa ka girl. “Akong ganahan sa usa ka girl, kanang sweet, honest ug simple,” matud pa ni Franz. Nakasuway na si Franz nga wala sugta, apan dili gyud matud pa siya maghambin og pagdumot ngadto sa babaye nga mosalikway sa iyang gugma. “Dawaton gyud nako, kung ang girl dili ganahan nako. Ipabilin gihapon ang friendship,” hirit pa ni Franz.

Samtang usa sa mga init nga isyu karon sa kabatan-onan mao ang “pre-marital sex” , ug gisaysay ni Franz nga kinahanglan nga responsible ang mga tawo nga mobuhat sa maong butang.

“Kabalo ko nga dili gyud malikayan sa ubang kabatan-onan nga mobuhat anang butanga, pero dapat huna-hunaon nila kung unsa ang consequences,” matud pa ni Franz. Aminado si Franz nga nagbaha karon ang problema sa nasud nga misangpot sa kalisdanan. Suma pa niya nga kung matagaan siya og tsansa nga maatubang ang mga lider sa atung nasud, iyaha gyud nga isugyot ang wala’y hunong nga pagtunol og livelihood program alang sa katawhan aron masumpo na ang problema sa kalisod.

“Dili man pud maato tanan kung tagaan na lang permi sa gobyerno ang mga butang o materials nga gikinahanglan sa mga tawo. Kinahalanglan nga livelihood program gyud kay usa na sa pang-long term nga solution sa poverty,” saysay pa ni Franz.