Pacman nagpe-prayer meeting tuwing natatapos ang boxing training

SEEN: May regular prayer meeting ni Congressman Manny Pacquiao pagkatapos ng kanyang boxing training sa Wild Card Gym. Ang former movie director na si Pastor Jeric Soriano ang kasama ni Manny at ng Team Pacquiao sa prayer meetings.

SCENE: Love na love ni Anne Curtis ang Filipino fashion blogger na si Bryanboy mula nang magkita sila sa Los Angeles, California.

Gullible si Anne dahil hindi niya kilala ang tunay na pagkatao ni Bryanboy na mapapanood sa susunod na cycle ng America’s Next Top Model ni Tyra Banks.

SEEN: Halata ang pagkaasiwa ni Kiray Celis sa mga sinasabi ng kanyang ina sa live guesting nila kahapon sa Kris TV. Umiral ang pagkataklesa ng nanay ni Kiray habang iniinterbyu ni Kris Aquino.

SCENE: Ang talent search show na Artista Academy ang unang project sa TV5 ng TV executive na si Wilma Galvante at ng direktor na si Mac Alejandre.

Former resident director si Mac ng GMA 7 at siya ngayon ang head ng Talent 5, ang talent center ng TV5. Dating GMA 7 executive si Galvante.

SEEN: Nakatakda sa June 10 ang pagkikita nina P-Noy at Jessica Sanchez sa Amerika.

SCENE: Tapos na ang 15-minute fame ni Grace Lee. Hindi na interesado kay Grace ang media dahil may iba ng babae na nauugnay kay P-Noy.

SEEN: Magkakasabay na bumalik kahapon sa Maynila ang mga artista ng TV5 na dumalo sa launch ng TV5 International sa Los Angeles at San Francisco, California.

SCENE: Dalawang linggo lamang si Alvin Elchico bilang co-anchor ng Umagang Kay Ganda. May panahon pa si Alvin na mag-sanay na maging komportable at hindi magpa-cute sa harap ng TV camera.