LT gikapoy sa Valiente

Manila, Philippines --- Finally, nahuman na ni Lorna Tolentino ang guesting niya sa Valiente, pero naloka siya gumikan sa bug-at niyang mga eksena nga murag tibuok drama series na hinuon iyang nahimo.

Human niya og himo sa Valiente, dili usa magdrama si LT. Maayo na lang kay horror-suspense ang sunod niyang project sa TV 5. Kini mao ang Third Eye nga gisugdan na niya paghimo sa milabay nga semana.

Gwen manganak usa sa dili pa mag-FHM

Dili gyud ganahan si Gwen Zamora nga mag-pose sa FHM o sa bisan unsa nga men’s magazine. Bisag unsaon pa siya og kumbinsi, dili gyud siya sanglit dili siya kumportabli magpa-sexy. Kung ugaling musugot siya nga mag-FHM, human na matud pa niya’g panganak sa iyang second baby. Buot matud pa niyang pamatud-an nga kun ugaling mumabdos siya ug manganak, sexy gihapon siya. Buot pasabot magminyo una siya ug manganak usa mag magpa-pictorial sa FHM. Husto na matud pa ang iyang pagpa-sexy sa Boy Pick-Up the Movie kauban si Ogie Alcasid.

Walay intriga uy!

Dili buot pa ni Pauleen Luna nga tubayan ang intriga tali nila ni Soleen Heusaff. Hapit naman gud magsugod si Solenn sa Eat Bulaga ug karon pa lang gi-intriga na kini nga hayan ma-insecure si Pauleen.

Matud ni Pauleen, managhigala sila ni Solenn ug welcome kaayo kini isip bag-ong miyembro sa Dabarkads busa dili na lang matud pa intrigahon. Nagka-istorya na matud pa sila ni Solenn ug misaad siya nga tabangan niya kini sa hosting

Ikaw na Philip!

In character si Phillip Salvador dihang milugwa sa presscon sa Makapiling Kang Muli. Trench coat ang gisul-ob ni Ipe nga kontrabida ang role sa primetime teleserye ni Richard Gutierrez.

Wala nagduhaduha si Ipe pagdawat sa role gumikan kay challenging ug markado kini. Siya lang naman ang mentor ni Richard sa Makapiling Kang Muli.

Bianca gibuwagan ni John

Gikumpirmar ni Bianca Manalo pinaagi sa programang Bandila niadtong Miyerkules sa gabii nga buwag na sila ni John Pratts. Miangkon ang aktres/TV host nga 2 weeks na sila nga buwag ni John. Nagdumili si Bianca sa paghisgot sa rason sa ilang break-up ug gilimpiyohan usab niya ang pangalan sa Sex Bomb Dancer ug kauban ni John sa Banana Split nga si Sunshine Garcia. Suma pa ni Bianca nga wala’y kalabotan si Sunshine sa split-up. Gikumpirmar usab niya nga si John maoy nakigbuwag kaniya. Miabot lang ngadto sa pito ka buwan ang relasyon nila ni John ug Bianca. Wala pa usab mohatag og komento si John kalabot sa maong balita.