Gabby babaye ang gusto

Manila, Philippines --- Nakatawa mi sa tubag ni Gabby Concepcion nganong babaye ang gusto niyang ihimugso nga bata sa iyang asawa nga si Genevieve karong July. Gawas matud pa nga maayong muatiman ang mga anak nga babaye, pwede pa gyud ni nga mag-artista. Gani, nag-showbiz na sila si KC, Garie ug magsu-showbiz na pud si Chloie. “Pero matutuwa ako ‘pag lalake ang baby namin, mabibigay ko na sa kanya ang dream name ko sa anak na lalake at ‘yun ay Gavin. Kung baby girl uli, kahit anong name, okay lang,” ni Gabby pa.

Mularga si Gabby paingon sa Amerika sa last week sa June, gumikan kay sa unang semana sa July manganak ang iyang asawa. Wala siya’y mabiyaan nga trabaho sanglit, May 9 man ang showing sa The Mommy Returns movie nila ni Ruffa Gutierrez ug Pokwang. Wala pa siya masayud kun mag-taping na ba sila ni Iza Calzado sa ilang umaabot nga soap sa ABS-CBN, ang Kapag Puso’y Sinugatan.

“I love doing movies, enjoy ako rito sa The Mommy Returns na ang role ay in-love na in-love kay Pokwang. First time naming gumawa ng movie, Kung tatanungin, gusto kong gawing movie ay mala-Somewhere In Time ang dating. Kailan kaya mangyayari ‘yun,” tsika pa ni Gabby.

Janna nanganak

Tweet ni Mickey Ablan; “I’m so lucky to have 2 baby girls @yzabelablan and cael plus a very wonderful partner and bestfriend @jannadominguez8 ü thank u god ü”

Kini human nanganak ang sexy nga komedyanang si Janna Dominguez sa first baby nila ni Mickey Ablan adtong Miyerkules sa gabii. Wala maghisgot si Janna kaniadto kabahin sa iyang pagsabak gumikan kay siguradong magkagubot sila ni Iwa Moto ug Mickey. Hinuon, murag nahusay naman ang duha ka mga kampo ug buot pa gani ni Iwa nga magkita na silang tanan aron magkasulti og tarong ug mahunong na ang ilang dili maayong relasyon. Dihang gipangutana pa gani si Iwa kun okay lang niya nga mangugos sa bata, mitando kini, apan miingon nga sigurado siyang dili siya imbitahon nila ni Mickey ug Janna ug nakasabot siya niini.