Dahil... pinatawan ng SPG!

MANILA, Philippines - Sa kabila ng Rated SPG na ipinataw na rating ng Movie and Television Review and Classification Board (MTRCB,) pumalo ang rating ng pinaka-bagong primetime bida ng ABS-CBN na pinagbibidahan ng mga pinakamahuhusay na aktor na sina Piolo Pascual, Jericho Rosales, Christopher de Leon, Cristine Reyes, at Maricar Reyes, ang Dahil sa Pag-ibig.

Ang SPG ay ang bagong rating na ipinatupad kamakailan ng MTRCB na ang ibig sabihin ay ‘Strong Parental Guidance’ o ‘Istriktong Patnubay at Gabay’ sa Tagalog. At anumang palabas na naiuri na ‘SPG’ ay maaa­ring naglalaman ng seryosong tema na kung panonoorin ng mga bata ay nangangailangan ng gabay mula sa kanilang mga magulang o ng mga nakatatandang kasama sa bahay.

Kasama rin sa powerhouse cast ang ilan sa mga tinitingalang pangalan sa industriya na sina Ronaldo Valdez, Sandy Andolong, Tetchie Agbayani, Rafael Rosell, Denise Laurel, Freddie Webb, Rey PJ Abellana, Carla Martinez, Joonee Gamboa, Bing Davao, Melissa Mendez, Malou Crisologo, Cheska Iñigo, Jeffrey Santos, at Edward Mendez; kasama rin si Joel Torre sa kaniyang natatanging pagganap; at ipinakikilala ang pinakabagong Kapamilya teen stars na sina Ella Cruz at Francis Magundayao. Ito ay sa ilalim ng direksiyon nina Darnel Villaflor at Avel Sunpongco.