KC nag-walk out!

PIK : Excited ang mga bagets na sina Sarah Labhati, Enzo Pineda, at Derrick Monasterio na umalis patungong Switzerland. Guest sina Enzo at Derrick sa homecoming concert ni Sarah na matagal na palang inaabangan ng mga kamag-anak at mga kababayan natin doon sa Switzerland. 

As of press time, ginaganap na ang concert nila at ang pinakamasaya raw ng mga oras na iyon ay ang mga magulang ni Sarah.

Pagkatapos ng concert ay balak nilang tumuloy ng Paris, France para magliwaliw.

PAK : Nag-walk out si KC Montero sa finale ng Survivor Philippines: Celebrity Doubles Showdown pagkatapos in-announce na si Betong Sumaya ang nanalong Ultimate Survivor.

Si Betong naman ang ibinoto ni KC pero mabigat ang loob nito na dumalo sa finale dahil dapat siya raw ang nakaupo sa Top 3 dahil feeling niya, siya ang karapat-dapat na magwagi sa naturang reality show.

BOOM : Naiinis na si Nancy Castiglione kay Hayden Kho, Jr. dahil nadamay ito sa isyu nito kay Dr. Vicki Belo. Wala namang katotohanang merong something sila ni Hayden kaya nagtataka ito bakit nag-tweet ang doktorang fiancée na puwede na silang mag-open sa kung anong namumuo sa kanila ni Hayden at puwede silang mag-date.

Nilinaw ni Hayden sa kanyang Twitter account na may konting problema sila ng doctor girlfriend pero walang kinalaman dito si Nancy at hindi infidelity ang issue.