Adventure Galore

Hugyaw nga Domingo kanatong tanan mga Ka Tribung BisChikadora usa na pud ka Domingo ang atong saw-an. Karung Domingoha akong ibida kaninyo ang usa ka kasinatian sa akong paglugwa sa Barangay Banlasan, Tubigon , Bohol.

 Nakatikang ko sa maong lugar tungod sa akong amigo nga si Gilbert Manego ang banggiitang assistant  branch manager sa SM Department Store. Tungod kay sa ilang paglawig aduna ko’y mga obligasyon wala ko kakuyog nilang Sherwin Jarapan, Rolando Estremos, Gio Monsalod ug Arnel Retardo, busa nilarga ko nga nag- inusara ug ang nakahugyaw kay naghinangat naman ang kalag- kalag atong paglarga nako best in standing ovation ang akong beauty nga gisingot ug gigutom mao nga nakahukom ko nga didto mopwesto sa may canteen sa barko with matching lafang sa init nga noodles-- maayo nalang ang gwapo nga nagbantay sa canteen sa barko kay gitagaan ko og lingkuranan kay nakabantay siya nga best in standing position kaayo ko. Haayyy, nahuwasan ko gamay sa biyahe nga sulod sa duha ka oras. Pag-abot sa pantalan sa Tubigon, Bohol kumpleto ang casting Gilbert and the angels, abi nako nga dunay service van (wala na nila kontaka si Kapitana kay maikog na sila ) mao nga Best in Tricycle ang among beauty nga maoy muhatod sa among grupo sa Barangay Banlasan. Bisan nanakit na ang akong bat-ang kay nahuot ko sa likod sa tricycle, nagpahiyum lang gihapon ang Yur’s truly kay wala nako’y mahimo. Wala na namo panumbalinga ang kalisod sa biyahe kay nagsige nalang mi og bahakhak, sa dihang   muagi na ang tricycle sa medyo tungason ug kabatuhan nga dalan kay mapakong intawon ko. Katawa nasad kay naluoy ko sa ligid sa motor! Hahahahaha!  Ingon bitaw ko nga for the sake of friendship namo ni Gilbert go for the gold gyud. Pag-abot namo sa lugar, naHugyaw ko kay wala’y signal sa cellphone (pero klaro ang signal sa GMA 7 Station sa ilang mga telebisyon), musaka pa ka sa bungtod para makapadala og mensahe. Suwerte kaayo ang among grupo kay ang balay ni Kapitana Remegio C. Chua  medyo naa sa taas nga bahin ug didto mi nanihapon. Bongga! (Pagkalami naman gyud intawon purya buyag sa humba nga lata kaayo) Tuod man, katulo ko mibalik sa lafangan

Pagkagabii, kaming duha ni Gilbert mao ang nahimong hosts sa ilang Ms. Anyag sa Banlasan 2011 diin ang mga kandidata lumad sa ilang lugar. Sa opening production number pa lang nagtigi na ang pito ka kandidata nga nagrepresentar sa ilang mga purok, gisundan dayun kini sa talent portion, unya long gown. Nagpakita usab sa talent ang mga kabatan-onan pinaagi sa ilang intermission number. Ang Sk Chairman nga si Rolls Roice C. Leopardas mao ang nagdokumento sa maong indigay sa gwapahay. (May nailaila unta ko nga ulitawo pero pagkahuman sa show namalik mi sa balay nilang Kapitan Chua para mo lafang nasad. Hehehehehe.) Ang nakalangkat sa titulo kay si Ms. Mary Rose Corbita Abuloc. Nakurat nalang ko mga BisChikadora nga pagkahuman sa show naa’y nagpa-sign og autograph; unsa ba diay oi si Gilbert nagpahimo og card nga naa akong hulagway , with matching pa sa pangalan o logo  sa among programa, BuenaMano Balita. Salamat sa effort Gilbert ug sa tarpaulin nga nisugat nato nga dunay special greetings. Salamat sa maong kasinatian Gilbert gumikan kay nahimugso ang atong panaghigalaay, nga ato na nga pagatawgon og “Gilbert the adventurer and friends.” Hahahahaha!

“Sign of guilt”

Gikundinar ni Senator Bong Revilla ang paglupad ni Ramona “Mara” Bautista paingon sa Hongkong adtong Huwebes sa gabii, taliwala sa imbestigasyon nga naglambigit niini sa kamatayon sa iyang igsuon nga si Ramgen.

Suma pa sa senador ‘sign of guilt” ang paglayas ni Ramona gumikan kay kun tinuod kini nga inosente sa pasangil nga gibato ngadto niini, angay nga nagpabilin kini sa nasud aron atubangon ang nagpadayong imbestigasyon.

Gipakita sa Bandila si Ramona nga nagtabun og puwa nga panapton aron dili mailhan sa iyang pagsakay sa eroplano agi sa NAIA adtong Biyernes sa gabii.

Gitug-an pud niya nga nakugang siya sa pamahayag ni Ramona sa Dateline Philippines sa ANC adtong Biyernes diin miangkon kini nga dili tinuod nga gidagit siya sa mipatay sa iyang maguwang nga si Ramgen kundili mugna lamang niya ang maong istorya sanglit nauwaw siya nga iya lang gibiyaan si Ramgen ug ang uyab niini nga si Janelle Manahan.

Matud ni Bong, naglibog ang tibuok pamilya Revilla nganong nagmugna og istorya si Ramona, diin hasta siya gipatuo nga gidagit gyud ang dalaga.

Panganti ni Bong nga dili niya tabunan ang nakasala bisan sakit kini para sa ilang pamilya sanglit dili lang matud pa siya senador sa mga Revilla, kundili sa tibuok nasud.