Kuya Boy sa Queen

CEBU, Philippines - Si King of Talk Boy Abunda maoy mugisa sa mga kandidata sa Queen: Pageant for Alternatives atol sa Q & A portion sa coronation night diha sa Waterfront Hotel Lahug karong November 5. Kini suma pa sa Bottomliner ug kolumnista sa The Freeman Newspaper Mike Acebedo Lopez.

Lara magPAkasal sunod October

October 2012 ang gitakda nga kasal nila ni 2005 Miss International Lara Quigaman ug Marco Alcaraz. Sama sa nabalita na, beach wedding ang ilang gusto ug duna na matud pa silay nauyonan, apan padayon gihapon ang ilang ocular inspection sa uban pa nga beaches.

Excited sa Wil Time

Biyernes sa gabii pa lang naghugop na gawas sa Araneta Coliseum ang mga fans ni Willie Revillame nga nagtinguha pagsaksi sa anniversary presentation sa Wil Time Bigtime kagabii sa TV5.

No comment na ni Mariel

“Move on na tayo” ang tubag ni direk Lauren Dyogi sa pangutana kun tinuod ba nga dili maayo ang kabubut-on niya kang Mariel Rodriquez nga milayat na sa TV5, busa dili na malakip sa PBB.

No to Shamcey

Gihimakak ni direk Lauren Dyogi nga si Miss Universe 3rd runner-up Shamcey Supsup maoy ilang giplanohan unta nga ihulip kang Mariel Rodriquez isip host. Matud ni Dyogi dili kini tinuod sanglit sayod siyang daan nga may kontrata pa ang beauty-queen sa Bb. Pilipinas Charities Inc.

Dili magpakasal uy

Matud ni Cristine Reyes nga magbakasyon lang sila ni Rayver Cruz sa Las Vegas sunod tuig ug dili tinuod ang intriga nga plano na nila nga magpakasal didto.

Kim gikulbaan sa upcoming movie

Naghinam-hinam na pag-ayo si Kim Chiu sa umaabot niya nga horror movie diin iyang makauban si Vilma Santos. Giangkon niya nga nakulbaan siya pag-ayo gumikan kay dakong haligi sa showbiz ang iyang makauban ug giingong gawas kang Vilma, malakip usab si Janice de Belen sa maong pelikula.

Christian makigbalik kang Rachelle Ann?

   Gipadayag ni Christian Bautista nga bukas siya sa posibilidad nga ma-inlove pagbalik sa iyang ex-girlfriend nga si Rachelle Ann Go. Nagkanayon ang singer naa gyud kang Rachell Ann ang mga kalidad nga iyang gipangita sa usa ka babaye sama sa pagka-masinabtanon niini.

Noranians gibalibaran sa direktor

Mihangyo ang mga fans ni Nora Aunor ngadto sa mga kadagkoan sa TV-5 nga i-extend ang serye sa ilang idolo nga Sa Ngalan ng Ina. Apan wala mosugot ang direktor sa maong serye nga si Mario O’Hara gumikan kay sundon gyud niya kung unsa ang naa sa script aron dili maguba ang istorya niini.

Ronnie gidaot

Dako ang pagtuo sa hepe sa Optical Media Board nga si Chairman Ronnie Ricketts nga duna gyu’y mga tawo nga buot moguba sa iyang imahe hinungdan nga bisan unsa na lang nga intriga ang migawas batok kaniya. Gihimakak ni Ronnie ang taho nga matud pa nanguwarta siya pag-ayo sa iyang posisyon.

Todo effort

Matud pa nga dunay mga taga laing nasud ang namalit og ticket alang sa umaabot nga concert sa Black Eyed Peas sa SM Mall of Asia concert grounds karong October 25. Ang mga fans nga namalit og ticket sa concert sa maong grupo nagikan sa Australia, Hong Kong, Korea, Thailand ug Singapore.

Naamong ang pelikula

Human miulbo ang balita nga buwag na sila si KC Concepcion ug Piolo Pascual, misunod dayon ang report nga dili madayon ang giplano kaniadto nga magkauban unta sila sa pelikula. Giingong dili na komportable ang duha nga mag-uban sa usa ka proyekto.