Miss U Kaniadto Hangtod Karon

CEBU, Philippines -  Ang Miss Universe pageant, giisip nga labing prestihiyoso nga indigay sa kaanyag sa tibuok kalibutan, unang gipanag-iya ug gidumala sa Cali-fornia based clothing company Pacific Mills sukad 1952 hangtod 1996, dihang misulod sa eksena ang bilyonaryo nga si Donald Trump ug ang National Broadcasting Company (NBC).

Unang gipahigayon ang maong pageant didto sa Long Beach, California, diin midaog si Miss Finland Armi Kuusela, kinsa napangasawa sa negosyanteng Pinoy nga si Virgilio Hilario.

Sukad 1952 hangtod 1971, didto ra sa Amerika gipahigayon ang maong indigay. Pagka 1972 na kini nagsugod og tuyok sa nagkadaiyang nasud, diin mitala kini 600 milyon ka mga viewers sa tibuok kalibutan.

Ang USA maoy may labing daghan og nalangkat nga Miss Universe crown sukad sa sinugdanan diin mitala kini og pito, walo usab ang 1st runner-up finish, unom ang ilang 2nd runner-up, usa ang ilang 3rd runner-up, lima ka 4th runner-up, ug 27 ka semi-finalists. Misunod  ang nasud sa Venezuela nga unom ka daug, unom ka 1st runner-up, lima ka 2nd runner-up, upat ka 3rd runner-up, duha ka 4th runner-up ug 13 ka semi-finalists. Ikatulo ang Puerto Rico nga may lima ka mananaug, usa ka 1st runner-up, duha ka 2nd runner-up, usa ka 3rd runner-up, tulo ka 4th runner-up ug unom ka semi-finalists.

 Ang Sweden, may upat ka daug, usa ang 1st runner-up, duha ka 2nd runner-up, tulo ka 3rd runner-up, upat ka 4th runner-up ug may 16 ka semi-finalists. Ika-lima ang Brazil nga may 2 ka daug, lima ka 1st runner-up, duha ka 3rd runner-up, tulo ka 4th runner-up ug 17 ka semi-finalists. Ika-unom mao ang Finland nga may duha gihapon nga daug, tulo ang 1st runner-up, lima ang 2nd runner-up, usa ang 3rd runner-up, usa ang 4th runner-up ug unom ka semi-finalists. Ika-pito ang nasud sa Australia nga may duha ka daug, usa ang 1st runner-up, tulo ang 2nd runner-up, usa ang 3rd runner-up, usa ang 4th runner-up ug lima ang semi-finalists. Ika-walo ang Japan nga may duha ang daug, usa ang 1st runner-up, usa ang 2nd runner-up, duha ang 3rd runner-up, tulo ang 4th runner-up ug siyam ka semi-finalists.

Ika-siyam ang nasud sa India nga may duha gihapon ka daug, usa ka 1st runner-up, usa ang 2nd runner-up, usa ang 3rd runner-up, usa gihapon ang 4th runner-up ug may 13 ka semi-finalists. Pang napulo ang Canada nga may duha gihapon ka daug, usa ka 1st runner-up, usa 2nd runner-up, usa ang 3rd runner-up, ug 11 ka semi-finalists.

Ang nasud sa Pilipinas maoy ika-11 nga may duha ka kadaugan nga gipangunahan nila ni Miss Gloria Diaz niadtong 1969 ug ni Miss Margarita Moran niadtong 1973, nakaangkon ang Pilipinas og usa ka 1st runner-up, tulo ka 3rd runner-up, duha ka 4th runner-up ug pito ka semi-finalists. Ika 12 ang nasud sa Mexico nga may duha ka daug, usa ka 2nd runner-up, duha ka 3rd runner-up, siyam ka 4th runner-up ug may 16 ka-semi-finalists. Dayon ika trese ang Trinidad and Tobago nga may duha ka daug, usa ka 2nd runner-up, usa ka 4th runner-up ug may upat ka semi-finalists. Ika 14 ang nasud sa Thailand nga may duha ka daug, usa ang 1st runner-up ug pito ka semi-finalists. Dayon ang kataposan mao ang Colombia nga may usa ka daug, upat ka 1st runner-up, duha ka 2nd runner-up, tulo ka 3rd runner-up, usa ka 4th runner-up ug 18 ka semi-finalists.

Miss Photogenic Awards

Ang Pilipinas maoy labing daghan og "Special Awards" nga mao ang Miss Photogenic Award. Milangkat kini og pito ka daug  (via internet voting) gikan sa tuig 1996 ug 1997 (back-to-back) nga gilangkoban nilang Aileen Dameles ug Abbygale Arenas; Vida Valentina Doria sa tuig 1971; Miss Universe Margarita Moran sa tuig 1973; ug nagpasunod sila si Gionna Cabrera sa tuig 2005, Lia Andrea Ramos, ug Anna Theresa Licaros.

Best in National Costume

Ang nasud sa Colombia maoy nakakuha og labing daghang Best in National Costume Awards niadtong  1968, 1985, 1990, 1991, 1997 ug 1992.

Miss Congeniality

Ang Guam nakakuha og upat ka Miss Congeniality Awards sa tuig 1970, 1985-1986 (back to back) ug 1988.

Best Hair/Style

 Venezuela 1993; Belgium 1994; Peru 1995; Venezuela 1996; Mexico 1998; Philippines 1999; Mexico 2000 ug Puerto Rico 2001.

Best in Swimsuit (SS)

Ang Venezuela gihapon ang milangkat sa labing daghan og “Best in Swimsuit Award” sa tuig 1992, 1994, 1996 ug 1998. Misunod ang nasud sa Australia niadtong 1993; USA 1995; Curacao 1997; Spain 1999; Mexico 2000; ug Puerto Rico adtong 2001. (BANAT NEWS)