TALKtv may coverage din ng royal wedding

MANILA, Philippines - Sundan ang isang malawakang coverage ng Royal Wedding nina Prince William at Miss Catherine ‘‘Kate’’ Middleton — simula sa wedding preparations hanggang sa ‘‘wedding of the decade’’ — na kakaibang handog ng TALKtv.

Ang The Today Show ang mangunguna sa coverage ng The Royal Wedding simula bukas, April 22, 7 p.m., kasama ang reporter na si Natalie Morales na magre-report ng live mula sa London.

Si Meredith Viera naman ang sasalo sa coverage sa April 25 sa 7 p.m. slot din para sa Today Show na may live broadcast at may split coverage mula sa Studio 1A.

Ang coverage sa April 28 ay magsisimula ng 6:30 a.m. kasama si Brian Williams na maga-anchor para sa NBC Nightly News direkta mula sa London na may mga kasamang live clips ng wedding preparations, ang takbo ng mga bagay-bagay sa London, at pati security concerns. Pagsapit naman ng 7 p.m., sina Matt Lauer, Ann Curry, at Al Roker naman ang magpapatuloy sa coverage at sasamahan nila si Meredith para sa isang buong broadcast mula sa London.

Sa April 29 isang special edition ng Today kasama sina Matt, Meredith, Brian, Al, Ann, at Natalie na magre-report sa mismong kasalan na magtatampok sa coverage ng ongoing celebrations sa London, na manggagaling mismo sa Buckingham Palace, Trafalgar Square, at Westminster Abbey simula 4 p.m. hanggang 10 p.m. Kasama ang lahat ng ito sa fourth hour ng Today sa New York na ina-anchor naman nina Kathie Lee Gifford at Hoda Kotb.

Ang final day sa April 30 ng 6:30 a.m. ay isang weekend edition ng The Today Show na hawak nina Natalie at Al mula sa London at mapapanood din sa NBC Nightly News Weekend edition.