"Solara" ni Maggie ug Sandra
CEBU, Philippines - Negosyante na ang mga beauty queens nga sila si Bb. Pilipinas-World Maggie Wilson-Consunji ug Miss Philippines-Earth 2009 Sandra Seiffert. Swimsuit ang ilang negosyo nga gitawag og “Solara” gikan sa pulong “solar” nga nagpasabot og “sun.” Si Bb. Pilipinas-World 2006 Anna Maris Igpit maoy distributor niining maong swimwear dinhi sa Visayas. Pangitaa ang “Solara” fan page sa Facebook alang sa dugang kasayuran.
Dingdong-Kris movie
Gihulagway ni Kris Aquino nga malambuon ang ilang meeting kagahapon mahitungod sa umaabot nga pelikula nila ni Dingdong Dantes. Gipaniguro ni Kris nga karong tuiga gyud kini mahitabo.
Enrique gipangaan ni Denise
Upat na ka buwan ang gisabak ni Denise Go, asawa ni Dominic Ochoa. Tsika pa sa actor, nga si Enrique Gil nga co-star niya sa “Good Vibes” nga magsugod na karong Domingo sa hapon, maoy gipangaan ni Denise. Si Dominic ug Denise nagminyo niadtong December 22, 2008.
William may uyab na
Duna nay non-showbiz girlfriend si William Martinez, suma pa sa kanhi niya asawa nga si Yayo Aguila. Matud ni Yayo, amiga matud pa sila sa girl, ug iya nang giintriga ang iyang kanhi bana ngadto niini. Happy siya kay duna nay muatiman kang William.
Piolo-Kim movie gibasura
Di na mahinayon ang pelikula nila ni Kim Chiu ug Piolo Pascual alang unta sa Star Cinema. Gibutyag ni Kim nga dunay laing himuong pelikula si Piolo.
Graded “B”
Graded B sa Cinema Evaluation Board ang pelikulang Tum: My Pledge of Love nila ni Mariel Rodriquez ug Robin Padilla nga didto pa sa India gigama human nagpakasal ang duruha sa milabay nga tuig. Karong April 6, na ang showing niini lukop nasud, diin apil pud sila si Queenie Padilla ug Ejay Falcon.
- Latest
