Katrina wa pa ka-move on

CEBU, Philippines - Naglisod pa diay gihapon hangtud karon si Katrina Halili pag-move on gikan sa eskandalo nga iyang nalambigitan. Duha ka therapists ang nagpuli-puli og tambal niya, sanglit duna pay mga higayon nga makasinati siya og low self-esteem. Pero kinahanglan nga dili siya magpapildi matud pa, kay unsaon na lang ang iyang mga bayranan. Hinungdan nga thankful siya sa GMA-7 tungod kay wala siya pasagdi. Human niya sagpaa si Heart Evangelista sa Langit Sa Piling Mo, si Iza Calzado napud maoy iyang pahimungtan pinaagi sa “Koronang Papel.”