Fretzie dunay umaabot nga show

CEBU, Philippines - Tsika pa ni Fretzie Bercede dinhi sa Banat Hugyaw nga malakip siya sa usa ka hulmaon nga youth-oriented-show sa ABS-CBN. Wala pa siya’y idea kung kinsa ang mahimo niya nga leading man niini apan segurado siya nga kauban ra gihapon niya kini sa PBB kaniadto. Ma-busy na si Fretzie sa showbiz busa mopaubos na siya og home study nga magsugod sunod buwan. Mitikang si Fretzie dinhi sa Cebu niadtong Biyernes alang sa usa ka kalihukan nga gipasiugdahan sa TV –Patrol Central Visayas ug M.O.R. 97.1 .

Melai gipangandoy ni Ryan

Gipadayag sa kanhi Pinoy Big Brother Teen Clash of 2010 housemate nga si Ryan Bang nga ganahan siya makabaton og usa ka comedy program ug si Melisa Cantiveros ang gipangandoy niya nga mahimong leading lady. Matud pa ni Ryan nga mas haom siya sa comedy   sanglit mao na kini ang iyang personalidad sukad nga misulod siya sa PBB.

Devon ganahan mag-engineer

Tsika pa ni Devon Seron dinhi sa Banat Hugyaw nga duna siya’y umaabot nga projects sa ABS-CBN ug naghinam-hinam na siya og maayo niini.Dugang pa ni Devon nga plano niya nga mo-eskwela og kolehiyo sa sunod nga semester ug ganahan siya mokuha og kurso nga engineering.  

Alternative ang tirada

Gipahibalo ni Brett Jackson nga gisugdan na ang paghikay sa umaabot niya nga album. Matud pa niya nga kasagaran sa unod niini kay mga alternative songs gumikan kay mao kini ang kusog karon sa mga batan-on. Susama og dagway si Brett sa singer nga Justin Bieber apan iyang gipasalig nga mokulit siya og kaugalingon niya nga identity.

Paningkamot gyud James!

Giangkon ni James Reid nga nagkuha siya karon og private tutor aron tudloan siya og pinulongang Tagalog. Aminado si James nga importante kaniya nga makakat-on sa maong pinulongan gumikan kay mao kini ang usa sa mga pamaagi nga molambo ang iyang showbiz career.