Dingdong ug Ogie napud

CEBU, Philippines - Gawas kang  Boy Abunda, duna pod matud pay government post nga gikatakdang itanyag ngadto nila ni Dingdong Dantes ug  Ogie Alcasid.

Rhian mitingog na

Gihimakak ni Rhian Ramos nga matud pa nagkuyog sila ni Mo Twister sa Paris.Tsika pa sa aktres nga sa Netherlands siya mitikang alang sa usa ka  personal trip ug dili sa Paris.

Yasmien mohatag og reward money

Andam mohatag og reward money ang kampo ni Yasmien Kurdi  sa makatudlo sa nahimutangan ni Baron Geisler kinsa wanted karon human giisyohan og warrant of arrest tungod sa kasong sexual harassment nga gipasaka ni Yasmien.

Kris gitanyaGAn sa FHM

Gitanyagan sa FHM si Kris Bernal aron mahimong cover girl sa maong magazine apan nangayo  siya og igong panahon aron iyang matun-an ang mamahimo niya nga desisyon. 

Ejay nagpadungog-dungog?

Tsika pa ni Ejay Falcon nga dunay dakong posibilidad nga ma-develop siya sa ka-partner niya sa Momay nga si Queenie Padilla gumikan kay pareho sila nga single.

Rachelle angayan atngan

Hugyaw ang production number ni  Rachelle Ann Go sa Party Pilipinas  karong adlawa gumikan kay  iyang sundon ang estilo ni  Pink nga  mi-perform  sa 2010 Grammy Awards nga gilibotan og silk nga panapton.

Search for Mr. Sexy 2010

Kinse ka mga ambongan nga lalaki ang gikatakdang morampa ug mopakita sa hugyaw nga pamorma sa ilang lawas karong June 19 alang sa “Search for Mr. Sexy 2010” nga gidumala sa Alcorea Production.

Ang show ipahigayon sa Gaisano Main food court ug matud pa sa direktor sa maong pageant nga si Jack Rallos nga usa sa angayan atngan ang bongga nga production sa mga contestants.

Ang 15 ka finalists naglangkob nila ni Ruel, MJ, Ronelan, Jay-R , Norton, Alfred, Christian, Edwin, Mark, Dan, Damuel, Jun, Harold, Fron ug Louie.

Tsika pa ni Jack nga usa sa tumong sa maong contest ang pag-promote sa hustong pamorma sa lawas ug ang pagmintinar og disiplina sa kaugalingon

“Dili basta-basta ang pagpili og mga finalist kay gi-screen gyud na sila og maayo, base sa ilang   lawas ug hitsura ug ang mogawas nga mananaug, kay dunay dakong tsansa nga mahimong sikat nga modelo,” panapos pa niya. (Sanden J. Anadia) 

Alang sa dugang kasayoran kabahin sa maong show, tawag sa 347-6011 or 09223456299.

Gabby mireklamo bahin ni Zarah

Tataw nga wala makauyon si Gabby Concepcion sa pagsukit-sukit sa press kaniya kabahin sa kanhi beauty queen nga si Zarah Aldana. Suma pa niya, dili na angay padak-on pa ang isyu tungod kay igo lamang sila nga nagkauban sa kampanya, busa naglibog siya nganong gilambigit na siya ngadto niini.

Dugang pa ni Gabby sa presscon sa “I’ll Be There” movie nila ni KC Concepcion ug Jericho Rosales, nga kung intriga lang ang ipangutana ngadto niya, dili na siya mutubag niini aron dili na magdako.

“Ayoko na kasi ng gulo, gusto ko na ng tahimik na buhay, ayaw ko ng mga ganyang intriga,” deretsa niyang sabi.

Matud ni Gabby, trabaho ra gyud iyang gusto, hinungdan nga malipayon siya sa mga nahitabo karon sa iyang career.

Lea ug Nick Jonas magpares!

Makauban ni international star Lea Salonga ang usa sa mga sikat nga teen heartthrob karon nga si Nick Jonas sa ika-25th anniversary concert sa longest-running musical nga Les Miserables sa October 3, 2010 sa London.

Si Nick Jonas ang usa sa mga sakop sa sikat nga Jonas Brothers nga ubos sa Disney. Pagkakaron, nag-solo na si Jonas isip singer.

Managsama nga nahimong kabahin sa Les Miserables sila si Lea ug Nick. Midala isip Eponine si Lea sa West End production niini niadtong 1993 samtang si Nick midala sa papel nga Gavroche sa 2003 Broadway run niini.

Pagklaro  mo  Aljur!  

Pahiyom lang ang tubag ni Aljur Abrenica kabahin sa walay kahumanan nga intriga bahin nila ni Bianca King nga iyang kauban sa The Last Prince ug gilambigit karon ngadto kaniya.

Ang latest mao nga may nakakita niya nga may ka-date nga mestiza sa usa ka bar, ug sigurado matud pa nga si Bianca gyud kadto.

Pero matud pa ni Aljur ngadto sa Pang-Masa nga hasta siya naglibog nganong gilambigit siya ngadto kang Bianca.

Hinuon dihang gipangutana unsay nagustuhan niya sa dalaga, matud niya nga very professional ug gaan kaayo ikatrabaho ang dalaga.