Sheryl walang sinasayang na oras
May iniisip akong bagong segment na gusto kung ilagay sa Walang Tulugan. Ito ay isang diskusyon between myself and the press ng mga current isyu lalo na yung may kinalaman sa showbiz. Pero at the end of the discussion, hahanap at magkakaroon ng solusyon ang pinagdidiskusyunan. Ito mismo ang magiging titulo ng segment, Diskusyon.
Ewan ko sa inyo pero, ako excited sa bagong bahaging ito ng Walang Tulugan na maaring hindi n’yo nararamdaman pero nakaka-14 years na kami sa ere. Meron palang viewers sa slot na ito.
* * *
Iba rin itong si Sheryl Cruz, walang sinasayang na oras. Kapag wala siyang taping ng kanyang mga serye, nagpo-promote siya ng kanyang album. Most requested sa radio ang carrier single ng album niya na Kaibigan Lang Pala na nag-hit nung una itong ilabas pero nagiging isang malaking hit uli ngayon sa pagkanta niya.
* * *
Kinikilig na yung mga nag-aabang ng First Time. I’m sure it’s going to set a trend in TV viewing. Magbubukas ito ng pinto sa primetime viewing sa mga palabas na pambagets din.
- Latest
