Echo ug Cheska na?

CEBU, Philippines - Nakit-an sulod sa SUV ni Jericho Rosales ang  TV host nga si  Cheska Litton sa parking lot sa Eastwood Mall niadtong Domingo. 

Ogie layasan ang GMA-7

Daghang tsika nga mulayat paingon sa TV 5 si Ogie Alcasid. Pero ang iyang manager nga si Leo Dominguez nga gipangutana sa PEP, igo lang miingon nga “ no comment.”

Board member Susan

Mipirma si Susan Roces kagahapon isip labing bang-ong miyembro sa Board of Director sa Manila Bulletin.

Aga ug Ai puli sa George and Cecil

Sa February 8 na ang meeting para sa umaabot nga reality-comedy show nila ni Aga Muhlach ug Ai-Ai delas Alas sa ABS-CBN.

Giselle nabiktima

Mipasidaan si Giselle Sanchez nga kung dunay magpaila nga siya ug mangangkon nga tua siya sa Scotland ug nagkinahanglan og tabang pinansyal—dili kini tuohan. Kini tungod kay na-hack ang iyang email address busa wala na siya’y control niini.

Schwarzenegger muabot

Gikatakdang muabot sa nasud si California Governor Arnold Schwarzenegger karong Pebrero 7 aron motabang sa Ondoy ug Pepeng victims. (Ryan Mark)

Cristine ug Chito nasakpan

Nasigpatan nga nagkuyog sila si Cristine Reyes ug Parokya Ni Edgar vocalist Chito Miranda sa Edsa Shangri-La Mall sa milabay nga gabii. Apan suma pa sa tinubdan, managhigala lang ang duruha.

Papa’s Girl

Papa’s Girl ang working title sa umaabot nga pelikula nila ni KC Concepcion, Jericho Rosales  ug Gabby Concepcion sa Star Cinema diin ang ubang eksena niini himoon sa Batangas.

Mga anak ni Ruffa mosulod sa showbiz

Misugot na si Ruffa Gutierrez nga malakip ang iyang anak nga sila si Lorin ug Venice sa programang Goin’ Bulilit sa ABS-CBN.

Pimentel gipasaylo na ni Korina

Gipasaylo na sa misis ni Sen. Mar Roxas nga si  Korina Sanchez si  Senate Minority Leader Aquilino Pimentel Jr. Kahinumduman nga mikomedya si Pimentel sa miaging adlaw  nga dunay “insertion”  tali nila ni Mar ug Korina human sa ilang kasal.

Best in antos

Giangkon ni PJ Valerio nga andam gihapon siya magpaabot sa resulta bisan miabot na karon og siyam ka bulan ang iyang pagpangulitawo ngadto sa maanyag nga anak ni Robin Padilla nga si Queenie

Jojo nagkalig-on

Tungod sa positibong feedback,   gipabilin gihapon sa TV 5 ang programang “Jojo A. All The Way,”  gani naa  na kini karon sa ikaupat nga season.

Boots 65 na

Saulogon na ugma ni Boots Anson-Roa ang iyang ika-65 nga adlaw nga natawhan. Usa sa iyang giimbitar sa selebrasyon ang iyang higala nga si kanhi Presidente Joseph Estrada.

Politiko target ni Blakdyak

Out of town shows ang target karon sa sikat novelty-reggae singer nga si  Blakdyak. Matud pa nga daghan kin og imbitasyon aron mo-perform sa nagkadaiyang political activities.

Bugoy mapasalamaton sa Kimerald

Aminado si Bugoy nga  mikita pag-ayo karong panahona ang iyang album nga dunay  sulod nga “Paano Na Kaya?”  diin  mao usab ang titulo sa pelikula nila ni Kim  Chiu ug Gerald Santos. Matud pa niya nga dunay nahatag nga kontribusyon ang  Kimerald sa kalampusan sa iyang album. 

Kimerald movie P10M sa unang adlaw

Mikita og P10 million ang ticket sales sa unang adlaw sa pagpasalida sa “Paano Na Kaya? “ niadtong Miyerkules nga gibidahan nila ni Kim Chiu ug Gerald Anderson. Kini base sa report sa Booking and Distribution Department sa Star Cinema.

Enzo gidudahan ang gender

Gidudahan og samot ang gender sa Starstruck finalist nga si Enzo Pineda gumikan kay permi kini magdala og make-up kit. Pero gihimakak kini sa kampo ni Enzo sanglit “vain” lang gyud kini nga pagkatawo.

Juliana gibalibaran

Mitumaw ang taho nga nangaplay si Juliana Palermo aron mahimong cover girl sa usa ka men’s magazine apan gibalibaran. Hinuon nagpakahilom lang ang sexy actress kabahin sa maong isyu.

Matt mikatawa lang sa isyu

Gihimakak ni Matt Evans ang   taho nga matud pa nga siya’y rason nga maglisod si Jake Cuenca sa pagpanguyab kang Melissa Ricks. Gikataw-an lang ni Matt ang maong tsismis sanglit dili niya batasan ang manghilabot sa kinabuhi sa uban.

Edu: Dili ko moatras!

Gihimakak ni Edu Manzano ang nanggawas nga hungihong nga matud pa moatras siya sa iyang kandidatura pagka-bise presidente. Nangiwit ang aktor sa survey pero gitataw niya nga dili siya magpaapekto niini gumikan kay duna pa’y pipila ka bulan aron hingpit nga mailhan ang iyang plataporma alang sa publiko.

Sam naghinam-hinam na

Gipangandaman na og maayo ni kanhi PBB Double Up housemate Sam Pinto ang iyang umaabot nga proyekto sa ABS-CBN. Gimintinar ni Sam ang iyang kasamtangang body figure aron blooming siya lantawon atubangan sa kamera.

Nagpakahilom ang show

Di motubag sila si Martin Nievera ug Pops Fernandez kung pangutan-on sa press kung duna ba’y posibilidad nga magkabalik ang ilang relasyon isip magtiayon.