Melason lig-on nga pambato sa rating!

CEBU, Philippines - Ang PBB Double-Up maoy number one sa Mega Manila niadtong Martes sa gabii. Gipildi niini ang Darna ni Marian Rivera nga mao kanunay ang nag-una didto sa Mega Manila nga balwarte sa GMA-7. Ang mga sumusunod sa PBB kumbinsido nga ang nagkalami na nga relasyon nila ni Jason ug Melai maoy nakapakusog ug nakapataas og maayo sa rating sa maong reality show. Daghan gyud ang daw gigitik sa kahimuot human hingpit giangkon sa duruha ang ilang espesyal nga pagbati sa usag-usa, diin direkta na gyud nga gipamulong ni Melai nga nahigugma na siya kang Jason. Ang rating nga gimantala sa PEP kagahapon maoy buhing kamatuoran nga PBB na ang pambato sa ABS-CBN sa Mega Manila ug dili na ang Dahil May Isang Ikaw:

AGB Mega Mla Ratings (Dec. 8): 24 30.5/TV 28.3; Darna 32.7/Bukas 27.3; Full 29.1/Lovers 25.8; Stairway 30.2/Dahil 29.8; Sana 20.1/PBB 33.6

Kapuso naalarma

Tsika pa sa PEP nga naalarma matud pa ang mga kadagkuan sa GMA-7 gumikan sa kagamay sa nakuhang ratings sa S.O.P bisan og nag-reformat na kini, duha ka semana na ang milabay.

Gary okay na

Maayo na ang kahimtang karon ni  Gary Valenciano human kini nadala sa usa ka tambalanan sa Amerika sa miaging adlaw gumikan kay naglain ang  iyang pamati. Tua si Gary sa US alang sa usa ka benefit concert.

Onemig minyo na

Gikasal na kagahapon si Onemig Bondoc sa iyang partner nga si Valerie Bariou pinaagi sa usa ka civil wedding.

Di uyab uy

Di tinuod ang migawas nga taho nga matud pa  karelasyon ni Dra. Vicki  Belo ang guwapong lalake nga iyang gikauban sa miaging Star Awards for TV. Empleyado diay sa Belo Medical Group  ang maong lalake nga ginganlan og  John Young.

Mga testigo naguOl

Puwerting guola sa nakasaksi  sa  giingong suicide attempt ni Dr. Hayden Kho Jr.   sa Cavite nga sila si Rudy ug Andrew Olivar kay mura silag namakak tungod sa pangangkon sa kampo sa doktor  nga wa gyud kini maghikog.

Negosyo niValerie gibuksan na

Gibuksan na ang unang negosyo ni Valerie Concepcion nga usa ka franchise sa Posh Nails sa Taguig City. Ang igsuon ni Valerie nga si Erika maoy manager sa maong negosyo.

Carlo Guevara nagpasilong ni Perry

Pormal na nga nagpasilong ang Bench winner nga si Carlo Guevara sa PPL Entertainment, Inc., ni Perry Lansigan. Mipirma  na og  three-year management contract  si Carlo sa nahisgutang Talent Agency. (Sanden J. Anadia