Angel Locsin 'di pinalad sa Emmy

MANILA, Philippines - Uuwing walang dalang trophy si Angel Locsin galing ng 37^th International Emmy Awards na ginanap sa Hilton New York Hotel.

Nominado sa best actress category si Angel para sa Lobo.

Bukod kay Angel, napansin din sa Emmy Awards ang Magdusa Ka ng GMA 7 for Best Telenovela at Kahit Isang Saglit ng ABS-CBN na kapwa hindi rin nanalo.

Ang beteranang aktres na si Julie Walters ang tumalo kay Angel bilang best actress para sa pagganap nito na Dr. Anne Turnes sa A Short Stary in Switzerland.

Rumampa si Angel sa red carpet sa New York suot ang gawa ng Dubai-based Filipino designer na si Michael Cinco.