Showtime hawod pa sa WOWOWEE

CEBU, Philippines - Sulod sa tulo ka adlaw, napildi sa Showtime nila ni Anne Curtis, Vhong Navarro ug Kim Atienza ang Wowowee ni Willie Revillame sa rating game didto sa Mega Manila. Suma pa sa www.starmometer.com, gikan sa November 16 to 19, mitala og 16.2% average rating ang Showtime, samtang ang Wowowee dunay 16%.

Follow-Up project nila ni Enchong, Erich, Ejay

Tanging Yaman teleserye ang follow-up project nila ni Enchong Dee, Ejay Falcon ug Erich Gonzales sa paghuman na sa ilang malampusong soap nga Katorse karong Pebrero sunod tuig. Kini suma pa sa PEP.

Coverboys dili na pahubuon

I-repackage sa ASAP 09 ang Coverboys diin malakip na sila si Xian Lim, Matt Evans ug Gerald Anderson. Suma pa ni Xian, wala pa gipangitaan pa og bag-ong ngalan ang grupo, pero ang sigurado mao nga dili na sila maghukas-hukas kundili wholesome na ang ilang image with matching coat and tie. Mahibilin gihapon sila si Jon Avila, Will Devaugh, Rafael Rossel ug Jake Cuenca.

Alex okay na ni Rhian, dili makig-uban

Tsika ni Alessandra de Rossi nga wala na siya’y kalagot pa ni Rhian Ramos kay naka-move on na siya. Pero dili pa siya andam nga makig-uban og proyekto ni Rhian. Giklaro kini ni Alex sanglit pareho na sila nga endorsers sa Pink Soda—si Rhian sa mga pahumot ug si Alex sa undergarments nga bag-ong produkto sa maong clothing line.

Nadine nauyonan nationwide

Bugtong ang Tinik sa Dibdib nga teleserye ra ang GMA-7 nga nagmadaugon sa daytime rating game sa tibuok nasud sa milabay nga semana. Milabaw og usa ka punto ang maong show sulod sa tulo ka adlaw. Ang nakahugyaw kay nagkataas ang rating sa maong show human mihulip si Nadine Samonte kang Sunshine Dizon.

Sassy Vamp Princess busy sa guesting

Busy karon isip guest sa nagkadaiyang shows ang kanhi PBB housemate nga si Princess Manzon. Ang kanhi Sassy Vamp milugwa sa Wowowee niadtong Sabado sa udto, ug sa Singing Bee pagka gabii. Kagahapon nag-duet pod sila ni Tom sa ASAP ’09. Pero ang tsika nga nasagap sa Banat Hugyaw mao nga wala pay gipirmahan nga kontrata ang taga San Francisco Camotes nga si Princess, hinungdan nga nanghinaot ang iyang kampo nga magdire-deretso na ang exposures niini.

2NE1 dunay individual concert Tampo ni Ei WoL Cho ([email protected])

Delayed ang first full album sa 2NE1. Inay sa tunga-tungang bahin karong buwana unta gipaabot nga mugawas ang maong album, pero ang taho mao nga sa Enero o Pebrero na sunod tuig kini mapagawas tungod kay gikuti-kuti pa sa YG Entertainment aron hugyaw gyud ang mamahimong produkto.

‘“It will be a super blast,” pasalig pa sa producer-composer sa 2NE1 album nga si G-Dragon.

Nasayran nga lakip niining maong album ang solo song ni Dara Park nga KISS, nga mao usay gihimuan og music video nila ni Lee Min-Ho (Gu Jun-Pyo sa Boys Over Flowers).

Si Park Bom aduna poy solo song nga You and I ang title diin ang konsepto sa music video fantasy-drama.

Ug nasyaran nga bag-o ra sad nag-release sa ilang single sila CL ug Minzy nga nag-ulohan og Please Don’t Go.

Pagkakaron busy ang 2NE1 sa guestings, recordings, ug pagpangandam sa concert ni G-Dragon karong December 5-6, diin ang 2NE1 guest performer.

Samtang namahayag ang tag-iya sa YG Entertainment nga si Yang Han-Seok nga “after releasing their first full album they will be having an individual concert.”