Robin mibalik pagka-bachelor

CEBU, Philippines - Sa pangedaron nga 40, mibalik na pagka-bachelor si Robin Padilla sanglit hingpit na gyud diay sila nga divorced sa iyang ex-wife nga si Liezl Sicangco.

Duha ka-tuig na diay nga divorced ang duha pero mas gipili pa nila nga magpakahilom, gani duna na’y karelasyon si Liezl sa Australia.

Bisan pa man niini nagpabilin nga close nga maghigala sila si Robin ug Liezl gumikan kay malinawon ang ilang panagbuwag kaniadto.

Hinuon naa kang Liezl ang ilang mga anak nga sila si Queenie, Kylie, Zhen-Zhen ug Ali nga gikatakdang moanhi sa Pilipinas karong November 23 alang sa birthday ni Robin.

Ai-ai andam mopakita sa iyang boobs kang Erap

Puwerting hagikhik ni kanhi presidente Joseph Estrada sa komedya ni AiAi delas Alas nga maabot ra gyud ang panahon nga mahimo kini og Mrs. Ejercito.

“Nandito lang ako naghihintay. Balang araw, isa na akong Mrs. Ejercito. Hindi ka na lugi sa akin. Slightly used lang ako and in good condition,” nagkanayon si Ai-ai sa presscon kagahapon sa pelikula nila nga Ang Tanging Pamilya.

Mikomedya pa gyud si Ai-ai nga willing niya ipakita ang iyang boobs kang Erap bisan sa CR..

“Gusto kasi ni ‘Pa, kaming dalawa lang. Lika na sa CR tayo, pakikita ko,”dugang pa niya.

Samtang midayeg usab si Erap sa kaanyag ug sa kahumot sa iyang leading lady.