Darna no. 1 na!

MANILA, Philippines - Bukod sa numero uno sa puso ng milyung-milyong Pinoy, numero uno na rin sa nationwide TV ratings ang pinakaaabangang telefantasya sa telebisyon - ang Darna!

Ang Darna, na pinangungunahan ng Primetime Queen na si Marian Rivera, ang nangunguna nga­yong programa sa telebisyon sa buong Pilipinas base sa National Urban Television Audience Measurement (NUTAM) data ng AGB Nielsen Philippines mula Agosto 9 hanggang 15. Tinalo ng Darna ang lahat ng programa nang makapagtala ito ng average TV rating na 35.6%. Umabot ang audience share nito ng 47.3% na mayroong 2.7 million projected number ng TV households.

Ang telefantasyang ito na orihinal na likha ni Mars Ravelo para sa komiks ay nagsimula noong Agosto 10 sa GMA Telebabad.