Darna nag-una; Survivor ikalima ra!

CEBU, Philippines - Number one gihapon ang Darna sa Mega Manila rating niadtong Lunes sa gabii. Bugtong Tayong Dalawa lang ang ABS-CBN show nga nasulod sa top5, samtang ikalima ra ang Survivor Philippines base sa survey result nga gipatik sa Philippine Entertainment Portal——AGB Ratings (Aug. 17): 24Oras 34.4/TV Patrol 23.7; Darna 43.7/MBP 23.4; Rosa 33/Only U 27; Adik 29/Tayong 31.2; Survivor 30.8/Wedding 17.3

Diet interesado mag-Dolphy

Laraw ni Diether Ocampo nga maoy mo-produce ug mo-remake sa pelikulang “Ang Tatay Kong Nanay” ni Comedy King Dolphy.

Willie mobalik na sa Wowowee!

Karong Sabado o dili ba kaha karong Lunes mobalik si Willie Revillame isip main man sa Wowowee. Suma pa sa www.stir.ph , kini kung basehan ang pamahayag ni Wowowee Creative Director Bobot Mortiz nga mobalik si Willie human sa duha ka semana.

Survivor castaway shemale?

Usa sa mga female castaways sa Survivor Philippines-Palau kanhi lalaki matud pa. Kini ang tsika nga nasagap sa beteranang kolumnista sa PangMasa manay Lolit Solis, nga misamot ka-intriga tungod kay no comment si Paolo Bediones kalabot niini ug igo lamang miingon nga atangan na lang ang mga panghitabo tungod kay mabutyag ra kini sa dili madugay.

Nonito buotan nga bana

Hugyaw si Super Flyweight Champion Nonito Donaire Jr. kinsa nagsaulog sa iyang first wedding anniversary sa iyang asawang si Rachelle, tungod kay kung mohangyo ang iyang kapikas sa kinabuhi nga moundang na siya sa pamoksing isip regalo ngadto niini, iya kining buhaton. Sa pag-abot niya sa Pilipinas kagahapon, diretso si Donaire sa GMA-7 alang sa taping sa Celebrity Duets 3 diin usa siya sa mga contestants.

Sitcom ni Pacman extended na

Karon pa ganing Domingo magsugod ang sitcom nga Show Me The Manny nila ni Manny Pacquiao ug Marian Rivera, duna nay tsika nga extended na kini sa GMA-7, busa dili lang good for one season. Ang tsika ganado kaayo si Manny sa paspas nga taping tungod kay kinahanglan na niyang mobiya para sa iyang training alang sa umaabot niyang boxing fight karong November.

Mother confident sa Tarot

Confident si Mother Lily Monteverde nga mokita labaw pa sa kalampusan sa Pamahiin, ang iyang latest offering nga ‘Tarot” starring Dennis Trillo ug Marian Rivera. ‘‘Pamahiin, turned out to be a box-office hit. E, mas nakakatakot itong Tarot, compared sa Pamahiin. Kaya, tiyak magiging box-office bonanza na naman ito,’’ mapahiyomong lenggua sa Regal matriarch nga nagsaulog sa iyang 70th birthday karong adlawa.

Pauleen ug Dennis dili na matago

Bisan og wala matag-an sa tarot card reader atol sa presscon sa pelikulang Tarot ang lovelife ni Dennis Trillo, mihirit ang mga himantayon nga dili na kinahanglan tag-anon pa tungod kay tataw nga naglami na ang relasyon sa aktor ug ni Pauleen Luna.

Jinkee wala masuya ni Dionesia

Walay intriga ug wala masuya si Jinkee Pacquiao sa kasikat na pod karon sa mama sa iyang bana nga si Mommy Dionisia Pacquiao, kinsa inanay na nga misikat pod sa showbiz. Matud ni Jinkee ang iyang mother in-law maoy naghago nganong naglampuson karon si Pacman.

 ‘‘Kaya naman, walang dudang mahal na mahal siya ni Manny. At ni katiting na pagselos ay wala akong nararamdaman sa Mommy ni Manny. Mahal ko rin siya,’’nagkanayon si Jinkee ngadto sa PangMasa.

Marvin wa pay follow-up

Naghinapos na ang Adik Sa’yo pero matud ni Marvin Agustin wala pa siya masayod unsay sunod niyang project sa GMA-7.

Pinaspasay na karon ang ilang taping tungod kay molarga siya paingon sa Korea alang sa archery competition karong September 1.