Hubad na larawan ni Madonna isinubasta

NEW YORK (AP) – Umabot kahapon sa $37,500 ang presyo ng full-frontal nude photo ni Madonna sa pagsusubasta nito sa New York noong isang araw.

Ayon sa Christie’s auction house, isang European national ang nakabili sa larawan ng singer bagaman hindi binanggit sa ulat ang pangalan nito.

Ang isinubastang larawan ni Madonna na kuha noong taong 1979 ay kabilang sa anim na larawan ng singer (Madonna Louise Ciccone sa tunay na buhay) na nalathala sa Playboy magazine noong 1985.

Kuha ito ni Lee Friedlander na nasa raw, explicit black and white image. Isa pang dancer noon si Madonna at, dahil kailangan niyang kumita, pinatulan niya ang isang anunsyo sa pahayagan na naghahanap ng nude model.