Tadyang daog sa Mega Manila, May Bukas sa nationwide

Sama sa gipaabot nanghawod sa Mega Manila ang pilot episode sa Ang Babaing Hinugot Sa Aking Tadyang nila ni Dingdong Dantes ug Marian Rivera base sa natala sa AGB Nielsen Media Research Philippines niadtong Lunes sa gabii. Nakakuha kini og 32.9%.

Samtang ang survey sa TLS (Taylor Nelson Sofres) nagpakita nga ikalima ra ang Tadyang sa nationwide rating tungod kay ang nangharos mao ang pambata nga programa sa ABS-CBN, ang May Bukas Pa nga gibitoonan ni Zaijan Jaranilla. Mihipos kini og 36.9%, ug ang Tadyang duna lamay 26.3%.

Sa laing bahin nabantayan sa AGB nga ang pilot rating sa Tadyang maoy labing ubos nga natala sa team-up nila ni Dingdong ug Marian sanglit ang Marimar nakakuha kaniadto og 36.6%, samtang ang Dyesebel ang labing taas, nga dunay 44.9%.

Rosalinda gipaila sa GMA-7

Pwes, gipahibaw na sa GMA-7 kinsay mohatag og kinabuhi sa Pinoy adaptation sa Rosalinda. Kini mao ang anak ni Rey PJ Abellana nga si Carla, kinsa gwadwado og Psychology sa De La Salle sama ni Marian Rivera.                   

 Ang Rosalinda nga ikaduhang Thalia soap nga napalit sa GMA-7 ug unang nabalita nga himuon unta ni Angel Locsin kaniadto. Nasayran nga mi-audition si Carla isip usa sa mga leading ladies ni Richard sa Zorro pero wala siya makuha tungod kay siya maoy napili nga hatagan og break sa GMA-7. Una niini mipirma si Carla og 12- picture contract sa Regal Films. Dunay miingon nga anggid og nawong si Marian ug Carla, gani pareho nga deep seated ang ilang mga mata. Angay bang mahulga si Marian ni Carla?

Rhian, Michelle ug Bianca sa Zorro

Gipahibawo na pod sa GMA-7 kinsay mga leading ladies ni Richard Gutierrez sa Zorro. Unang nabalita nga apil si Rhian Ramos ug mao na kini ikaupat nga proyekto nila ni Chard. Pwes, gawas ni Rhian, pasok pod si Bianca King ug Michelle Madrigal, kinsa alaga sa mama ni Richard nga si Annabelle Rama. In Short, sila si Rhian, Bianca ug Michelle ang mga babaye ni Zorro.

Businessmen nabuang ni Karylle

Duna pud diay mga young businessmen nga nanguyab ron ni Karylle pero wala niini nganli tungod kay matud pa dili kiss & tell ang dalaga kinsa giingong misamot ka gwapa karon ug dili na gyud maaninaw ang kagul-anan human sa break-up nila ni Dingdong Dantes.

Oyo dina ipa-interview ni Carlene

Dili musugot si Carlene Aguilar nga ipa-interview ang iyang uyab nga si Yo kinsa nabalita nga duna nay pito ka tuig nga anak lalaki. Basta kay subling giklaro ni Carlene nga nasayud na siya kalabot niini, hagbay ra.

Eugene wa sweldohi sa TV 5?

Gikataw-an ni Eugene Dominggo ang intriga nga permi dugay mobayad og talent fee ang TV5 hinungdan nga layasan na niya kini sanglit balik GMA-7 man siya pinaagi sa Ang Babaing Hinugot Sa Aking Tadyang. Matud ni Eugene nga niadto rang December ang delayed pero karon kanunay na nga on time ang iyang sweldo sa TV5.

Pop Icons producers na

Sila mismo si Sam Milby, Christian Bautista, Erik Santos, Mark Bautista ug Piolo Pascual maoy mga producers sa ilang upcoming concert nga giulohan og “Pop Icons”  nga magsugod sa Dagupan on Feb, 13 ug sa Cebu on Feb. 14, Araneta Coliseum on Feb. 21 ug sa Bacolod on Feb. 28.

Pwes, nasayran sa PangMasa nga tungod kay sila maoy producers dili na isyu nila kinsay taas og talent fee ug kinsa puy mas dako og gihatag nga kwarta.

Wala pud silay isyu sa billing tungod kay ang ilang mga managers matud pa maoy nagsabot niini. Hinuon si Piolo gyud ang espesyal tungod kay dunay “and” sa dili pa ang ngalan niini, pero matud ni Sam nga natural lamang kini tungod kay si Piolo may labing sikat nilang lima.

Napangutana pud ang lima kung human sa concert mag-produce ba pod sila og pelikula, ug tubag ni Piolo, duna.

“Kasi, sina Erik at Mark, gusto rin nilang maging actors kaya bibigyan namin sila ng break,” komedya pa niini.

Puros walay uyab ang lima busa sa Valentine concert nila ibubo ang ilang emosyon.

Vice Ganda gisapot ni BB

Wala diay mahimuot ang stand-up comedian nga si Vice Ganda sa bag-ong imahe ni Rustom Padilla, karon BB Gandanghari. Bayot pud si Vice ug niya pa ngadto sa PangMasa wala siya makauyon ni BB.

 “Kasi ngayon, may panibagong tag na naman ang mga bakla, ang tawag ngayon sa mga bakla, BB. Kahit sinong bakla, ang tawag na ngayon BB. Nagkaroon na ng panibagong tawag sa mga bakla.”

Negatibo para ni Vice ang maong hitabo tungod kay niya pa lisud pagtino kung binuang ba ang maong tawag o unsa. Napungot pod siya sa no-comment ni Rustom sa pangutana kung nagpa-transplant ba kini kay ni Vice pa simple ra kaayo tubagon ang maong pangutana.

Dili pud siya uyon sa dialogue ni BB nga patay na si Rustom.   “Kasi bahagi ng pagiging BB niya ngayon ay si Rustom,” say pa ni Vice Ganda.

“Tapos, nag-take up siya ng modeling. Ano ba, sa edad niyang ‘yun, sino ang kukuha sa kanya para maging modelo? Naloka lang ako, sa edad na 40, ngayon ka pa lang magmo-modelling? Tapos pinalakad naman, ang pangit namang maglakad,” litaniya pa niini.

Gi-okray pod ni Vice ang fashion statement ni BB nga matud pa niya very Melanie Marquez during the 80s, pero baduy ug mismatch.