Karylle selyado na sa ABS-CBN

Certified Kapamilya na si Karylle human siya pormal nga mipirma og usa ka tuig nga kontrata kagahapon sa ABS-CBN. “Next year, makakasama ako sa [TV series] Maruja, and this Sunday (December 14) I’m gonna be in ASAP,” nagkanayon si Karylle. Ang tsika, si Kristine Hermosa maoy bida sa Maruja. Samtang gipadayag ni Karylle nga naglaom siya nga makatrabaho sila si Claudine Barreto ug Piolo Pascual, karon nga usa na siya ka Kapamilya. Sa pikas bahin, gibutyag ni Karylle nga nagkita gyud sila ni Dingdong sa Las Vegas niadtong Domingo ug gi-congratulate pa siya niini sa iyang malampuson nga pagkanta sa Philippine National Anthem sa Pacquiao-Dela Hoya fight. Apan matud ni Karylle, “What happens in Vegas stays in Vegas.”

Presscon wa tungaha ni John

Wala malipay ang entertainment press kang John Estrada tungod kay wala kini mitunga sa pocket presscon alang sa iyang sitcom sa TV5, ang Everybody Hapi. Sila si Eugene Domingo, Long Mejia ug Alex Gonzaga ra maoy milugwa. “As it is kasi, isa sa mga shows ng TV5 na nagre-rate itong Everybody Hapi,” tsika pa ni Eugene ngadto sa PangMasa, nga niya pa buot sa management nga mo-rate pa kini og maayo hinungdan nga nagpahigayon og pocket presscon.

Shaina: Gugma, dili gahom

Mulugwa na karong Sabado sa hapon ang Dragonna, nga bitoonan ni Shaina Magdayao. Kini maoy hulip sa show sa iyang rumored boyfriend nga si John Prats, ang Tiny Tony. Sa Dragonna dunay power si Shaina, diin makamugna siya og kayo ilabi na kung mapungot siya, ug gamiton kini niya pagsumpo sa krimen. Pero dili siya mahimong mahigugma tungod kay mawala ang iyang power. Pero dihang gipangutana sa PangMasa unsay iyang pilion tali sa iyang power ug gugma, daling tubag niini: “Of course, the man I love.”

Marian, Dingdong ug Karylle nagsakay

Dungan matud pa og abot gikan sa Amerika kagahapon sila si Marian Rivera, Dingdong Dantes ug Karylle. Tsika nga nasagap sa PangMasa mao nga unang migawas si Marian nga nag-wheelchair kauban ang iyang manager, sunod si Dingdong ug ang iyang daddy ug katapusan si Karylle. Pwes, usa ra sila ka eroplano?

Jean dunay bag-ong iring-iring

Tsika karon nga human sa panagbuwag nila ni Polo Ravales, kanunay nga makit-an si Jean Garcia nga kauban ang ex-boyfriend ni Sunshine Dizon nga si Jojo Manlongat. Pero dili kumpirmado kung duna ba gyud silay espesyal nga relasyon. Kahinumduman nga si Polo ex-boyfriend ni Sunshine.

Paolo dunay hosting seminar

Tungod sa kalampusan sa Survivor Philippines, nga mahuman na karong December 12, nakahukom si Paolo Bediones nga magsaulog tungod kay natunong usab kini sa iyang 10th year anniversary sa showbiz.

“The industry, (TV in particular) has been good to me,” nagkanayon si Paolo ngadto sa PangMasa. Pwes duna siyay himoon nga hosting seminar alang niadtong naglaom nga mahisama niya, ang Hosting 101: A Hosting Manual; ug duna pod siyay major birthday special diin ipakita ang iyang interviewing skills dungan sa usa ka musical.

Carlo gibiyaan ang pelikula

Milupad paingon sa Amerika si Carlo Aquino aron makauban niya ang iyang pamilya. Pero misaad kini nga mobalik karong December 15, sanglit duna man siyay duha ka entries sa Metro Manila Film Festival—Baler ug Ang Tanging Ina N’yong Lahat. “Kailangan daw niyang makasama sa both floats ng dalawang pelikulang kasama siya,” matod pa sa usa ka himantayon ngadto sa PangMasa.