Philip maayo og billing

Gihatagan og saktong billing si Phillip Salvador sa Viva Films sa comeback movie niining Baler. Nag-una ug nag-inusara ang ngalan ni Phillip sa mga print ads sa Baler, entry sa Metro Manila Filmfest. Naa sa ikaduhang linya ang ngalan nila ni Jericho ug Anne Curtis which is okay ra matud pa, considering sa ilang dakong pagdayeg kang Phillip human nila kini makatrabaho sa Baler.

“He is superb as an actor,” ni Jericho pa. “Sa mga eksenang magkasama kami, lalo’t sa aming two confrontation scenes, mame-mermerized ka sa pag-absorb niya ng kanyang role. Hindi mo makikita si Phillip Salvador, the actor. Kung hindi kung ano at sino siya sa pelikula,” paambit sa actor ngadto sa PangMasa.

Sa Baler, si Phillip ang nagdala kang Nanding, ang amahan ni Feliza (gidala ni Anne Curtis) ug aktibong miyembro sa rebel group. Nasuko siya kang Celso (Jericho) sa paglaban sa mga Espanyol. Gitawag niya kining (Celso) traydor sa nasod nga iyang natawhan. Sa usa ka particular nga scene, mahitabo ang labing unang komprontasyon nila ni Phillip ug mosunod ang komprontasyon sa pagkadiskubre sa relasyon niini sa iyang anak.

Baler, directed by Mark Meily, dili lang mahitungod sa gubat nga nahitabo niadtong 1898 tali sa mga Pilipino ug Espanyol, naghisgot pod og gugma sa amahan ug anak nga babaye. Labaw sa tanan, estorya kini sa duha ka batan-ong tawo ug giunsa nila pagkab-ot ang kalampusan bisan pa sa pagkabiktima nila sa gubat.