Juday upat ra ang gustong sponsors

Sa presscon sa latest product endorsement ni Judy Ann Santos gipangumusta siya unsa nay mga kalambuan sa “Ploning” nga entry sa 2009 Oscars Awards sa kategoryang Best Foreign Language Film.

Matud ni Juday, padayon gihapon ang pagtigum nila og pundo ug gani iyang gibutyag nga kinahanglan maka-raise sila og P5M para makampanya nila og bonggang-bongga ang movie.

Sa pagkakaron mikuha na sila og de-kalidad nga PR agency sa Hollywood para ma-promote og maayo ang pelikula.

Sa Disyembre na ang lupad niya paingun sa Amerika ug niya pa, dili lang para kaniya ang maung dungog kundi para sa tibuok Pilipinas ug sa tibuok movie industry.

Nagbinuang ang aktres nga wala man siyay filmfest movie sa December, naa man pod siyay Oscars.

“May filmfest movie rin ako, sa Oscars nga lang,” nagkatawang pagsulti niya.

Wala pod nakaipsot ang aktres nga pangutan-on sa kalabot sa gihugon-hugon nga kasal nila ni Ryan Agoncillo sunod tuig ug niya pa, naistoryahan na nila kung pila ang imbitahon ug piliong ninong ug ninang.

Ilang plano nga upat hangtud lima lang ang kuhaong major sponsors pero wala pa niya panganli.

Wala pa gihapoy petsa nga gisulti si Juday kanus gyud ang maong kasal.

Sam makalibog, way klaro

Dunay mga naglibog sa tubag ni Sam Milby sa pangutana sa The Buzz niadtong Dominggo nganong nagbuwag sila ni Anne Curtis.

Kahinumduman nga matud pang Anne, kinsa unang mi-guest sa “The Buzz” nga ang hinungdan sa ilang break-up mao nga gusto ni Sam nga lig-unon pa ang spiritual connection niya sa Ginoo.

Daghan ang mi-comment nga mabaw ra kaayo og rason si Sam kay pwede man kini nilang himuon ug dungan nga dili ma-sakripisyo ang ilang relasyon.

Ang maong rason maoy gipangayuan og katin-awan ni Boy Abunda ngadto ni Sam ug tubag niya nga maoy gikalibgan sa mga nakakita sa interview:

 “I did put a lot of thought into that too but like I said, I know that it's really hard and most people won't understand. These things about us as individuals, we need to work on as individuals, we can't help each other in that aspect,” sey sa Fil-am actor.

Dili gyud masabtan kung unsa ang iyang punto. Basta ang ikasulti lang sa mga himantayon, kinahanglan na gyud ni Sam nga makit-an na ang saktong direksyon.

In fairness, naiklaro pod ni Sam nga wala siyay plano nga panguyaban si KC Concepcion ug nangayo siyag apology sa young actress sa pagkalambigit niini sa issue nila ni Anne.

Giklaro pod ni Sam ang issue nila ni Rufa Mae Quinto ug niya pa, nga gitan-aw lang sa sexy comedienne ang balay niya para sa ipatukod pod niini nga balay.

Iza Calzado gidaog-daog sa billing?

Karung gabie na ang red carpet premiere sa One True Love sa SM Megamall Cinema 9 ug 10 ug suma pa sa mga himantayon angay nga atangan kung tinuod ba nga gidaog-daog sa billing si Iza Calzado.

Ang tsika man gud nga migawas mao nga naa ra ubos sa ngalan nila ni Dingdong Dantes ug Marian Rivera ang ngalan ni Iza ug duna pa kini “ With.”

Hinuon nakakita na ang PangMasa sa nahisgutang pelikula niadtong Dominggo sa gabii ug matud pa nga dunay mga nagbakho samtang nag-tan-aw sa mga eksena.

Suma pa nga maayo ang acting nila ni Dingdongs, Marian Rivera, Iza ug hasta ni Jennica Garcia nga midala isip younger sister ni Marian nga matug pa murag ang inahan niini nga si Jean Garcia ang atake sa arte. Karung adlawa, parehong tan-awon sa MTRCB ug Cinema Evaluation Board (CEB) ang One True Love nga gidirek ni Mac Alejandre ug lakip pod si Bianca King with special participation ni Tessie Tomas, Pinky Marquez, Chinggoy Alonzo ug Boots Anson-Roa.

Vern nanaghan ang estudyante

Daghan na matud pa ang buot magpatudlo og taekwondo ni Veronica Domingo, ang Taekwondo Champion, ug ika-11 nga castaway nga nataktak sa Tribal Council sa Survivor Philippines niadtong Biyernes.

Suma pa ni Vern nga mga babaye ang kasagarang interesado nga magpatudlo isip self-defense.

Milugwa si Vern kagahapon sa Unang Hirit ug daghan ang gigwapahan sa dalaga.

Giklaro niya nga wala siya’y personal nga kalagot kang Charisse Yacapin nga maoy iyang gibinlan sa black pearl nga adunay tunglo nga automatic one point aron matangtang sa Tribal Council.

Mipirma na og kontrata ubos sa GMA Artist Center si Vern.

Jose ug Wally nagpakilooy

Parehong ginerbyos ug kulang na lang moluhod ug magpakiluoy sa press ang comic duo nga silang Jose Manalo ug Wally Bayola para tabangan silang i-promote ang Scaregivers nga maoy launching movie nila, gikan sa APT Entertainment ni Mr. Tony Tuviera. 

Lakip sa mga imprtanteng cast mau silang Iza Calzado, Ehra Madrigal, Edgar Allan Guzman ugPaolo Contis ug ubos sa direksyon ni Uro dela Cruz

Tsika pa sa PangMasa nga perteng pasalamat sa duruha sa mga artistang mihatag og oras para mag-guest sa movie, parehas nilang Boy Abunda, Vic Sotto, Marian Rivera ug uban pa. Nagpasalamat pod sila nga wala nadungan sa showing nila sa November 26 ang One True Love nga showing na ugma, November 19 ug na-delay pod ang shooting sa Land Down Under nilang Piolo Pascual ug Angel Locsin.