WAKSI: Pagkapukan sa tulo ka tuig nga relasyon

Sa katapusan pormal na nga giangkon nila ni Karylle ug Dingdong Dantes ngadto sa Philippine Star nga buwag na silang duha. Pero sa artikulo nga migawas kagahapon sa column ni Phil Star entertainment editor Ricky Lo ilang giklaro nga walay third party sa maong break-up, labaw nang walay kalambigitan si Marian Rivera niini.

 “It was the result of a long process,” matud pa ni Dingdong ngadto ni Ricky Lo. “Basta, nagka-iba ang priorities namin. We did try hard to iron things out and save our relationship, but...”

Wala nay dugang detalye pa nga giluwatan si Dingdong.

Samtang wala mahinayon ang unang plano nga dungan silang duha nga makig-atubang ni Ricky Lo alang sa interview. Ang ilang pamahayag kalabot sa ilang panagbuwag ilang giluwatan pinaagi sa telepono.

“She’s hurting,” usa ka suod nga higala ni Karylle nagkanayon ngadto ni Ricky Lo. “She loves Dingdong so much. She’s taking the break-up very badly because up to now, she hasn’t really faced the reality that her parents, Zsa Zsa Padilla and Dr. Modesto Tatlonghari, have split up. It happened when she was young kaya matindi ang impact sa kanya.”

Taliwala niini daghang ang midayeg ni Karylle tungod kay bisan pa man sa ilang panagbuwag ni Dingdong wala maapektuhi ang iyang iyang stage play, ang West Side Story.

“Performing in the musical became some kind of a therapy for Karylle,” usa ka staffer sa STAGES, producer sa musical nagkanayon. “The audience probably didn’t notice it pero ang galing-galing ni Karylle especially in the dramatic scenes. Talagang feel na feel niya, lalo na doon sa dapat umiyak siya. She must have felt lighter after every performance.”

Samtang si Dingdong sa interview sa entertainment press niadtong Martes sa gabii sa set sa One True Love mihangyo nga dili lang una siya pangutan-on kalabot sa maong break-up, ilabi na nga duna siya’y pelikula ug ubang commitments. Kini kay dili siya buot nga magamit ang maong isyu sa promo sa iyang mga projects.