Lahi nga Robin ang maaninaw puhon

Milutaw gyud ang kagwapo ni Robin Padilla sa iyang bag-o nga imahe alang sa iyang pelikula nga Sundo sa GMA Films. Nagpa-military cut si Binoe ug mas midako ang lawas sa actor karon itandi kaniadto.

Matud sa actor nga gipangandaman gyud niini ang maong pelikula ug sa iyang umaabot nga serye nga Totoy Bato sa Kapuso network gani grabe ang pag-diet ug work-out ang gihimo niini tungod sa iyang gidala nga role sa maong mga proyekto. 

“Nagpalaki ako talaga ng katawan kasi nga military man ako sa Sundo at sa Totoy Bato naman, boksingero ako. Kaya hindi ako nagpapayat tulad nang ginawa ko sa Joaquin Bordado. Talagang kumain ako ng mga nakapagpalaki ng katawan.” “Pati ang workout ko, matitindi rin. Kailangan kasi pumuputok ang mga muscle ko sa katawan. Dapat ‘yung malaki akong tingnan kaya heto unti-unti ko nang nakukuha ‘yung tamang laki.” 

Samtang, hapit na gyud diay mahuman ang shooting sa Sundo diin ubos kini sa direksiyon ni Toppel Lee. Nagpasalamat matod pa si Binoe sa maong pelikula tungod kay dugay-dugay na usab siya nga wala kahimo og horror movie kay kasagaran mga action nga mga pelikula man ang iyang himuon.

Ug hingpit nga midayeg ang nahisgutan sa iyang mga kauban sa maong pelikula nga sila si Rhian Ramos, Sunshine Dizon ug Katrina Halili.

Kumpirmado: Anjo ug Jackie nagbalik

Gihalad ang show sa SOP nga gipahigayon kagahapon ngadto kang Janno Gibbs alang sa iyang birthday celebration. Sa maong show usab na-confirm nga nagkabalik na gyud sa hingpit ang magtiayon nga sila si Anjo Yllana ug Jackie Manzano (nga migawas ang estorya kagahapon diri sa Banat Hugyaw).

Mikomedya pa si Janno nga matod pa nagsunod-sunod kaniya si Anjo tungod kay kahinumduman nga kaniadto nagkabuwag sila ni Bing, nagkabuwag usab sila si Anjo ug Jackie ug karon nga nagkauli sila ni Bing, nakig-uli na usab kini ngadto kang Jackie.

Samtang, ang birthday wish ni Bing ngadto sa iyang bana nga unta mohunong na kini sa pagsigarilyo aron dili madaot ang lawas niini ug basin mao kini ang hinungdan nga maapektuhan ang nindot nga tingog sa nahisgutan. Ug na-shock ang tanan sa gipahigayon nga “don’t lie to me” ni John Lapuz ngadto ni Janno tungod kay gipangutana ang singer actor kung sa tanan nga mga na-link nga babaye niini, aduna bay nakarelasyon ang nahisgutan ug yes ang gitubag ni Janno ug truth usab ang nahimong tubag sa machine.

Giangkon sa nahisgutan nga si Manilyn Reyes ang maong babaye tungod kay mikabat usab og pipila ka mga bulan nga nagka-uyab sila niini kaniadto.