Mga Detalyeng Angay Atangan

Jennylyn gibayran og  P1M aron mo-renew?

 Kung ang beteranang kolumnista nga si Lolit Solis maoy pasultion , nidako lang ang tiyan ni Jennylyn Mercado tungod sa iyang pagkamabdos apan wala gyud nausab ang hitsura niini. Baby boy ang umaabot nga anak sa aktres. Samtang nagdumili pagtino si Jennylyn kung tinoud ba ang balita  nga dunay usa ka milyon ka pesos nga offer ang GMA-7 para mo-renew siya og kontrata. Matud pa niya nga personal ra kaayo ang isyu.

Pia katapusang babaye ni Vic

Daghan ang nagtoo nga ikalipay kaayo ni Pia ang gisulti sa iyang sweetheart nga si Vic Sotto nga siya  ang katapusang babaye sa kinabuhi niini. Dalikyat pa ni Manay Lolit Solis,” Malay natin, baka nagpaplano na sila ng kasal kaya diretsong nasasabi ni Vic na last girl na si Pia sa kanyang buhay”.

Yasmien buot motapos

 Nagtungha diay karon si Yasmien busa makaya kaayo niya kung iyang balibaran ang  mga  TV guesting nga i-offer kaniya. Mitoo si Yasmin sa panultihon nga importante kaayo nga makahuman og pag-eskwela ang usa ka artista kay temporaryo lang ang showbiz. Kung dunay grado ang usa ka artista dili na kini maproblema sa pagpangita og trabaho kung pananglitan nga mawani na kini sa showbiz. Pero kung duna gani butang nga dili niya puwede nga mabiyaan, kini mao ang pagkanta kay love kaayo niya ang music.

Kandila nalanay sa cake ni Allysa

Tsika pa ni Manay Lolit Solis nga lingaw  ang birthday celebration ni Alyssa Alano sa Startalk kagahapon. Sa   kadaghang gipasalamatan niini, nahilis na lang  ang kandila sa birthday cake nga iyang nadawat gikan sa Star Talk.. Nakahilak si Alyssa kay     natandog siya sa VTR special nga gidalit sa  Startalk alang kaniya.

Wish ni Alyssa nga makaangkon siya og daghan nga mga projects. Naglaraw usab siya nga ipadayon niya ang iyang pag-eskwela para dili siya magka-sayopsayop sa pagsulti , ma-Tagalog man o English.

Lorna misaad nga mobalik sa Startalk

  Daghan ang nalipay nga mga  viewers sa Startalk kagahapon  tungod sa   live appearance  ni  Lorna Tolentino sa maong programa . Motekang si Lorna sa Holy Land busa mataud-tauran ang pagbalik niya sa maong show.  Mi-promise si LT nga molugwa pagbalik sa Startalk basta makabalik na siya dinhi sa nasud gikan sa Holy Land aron paambitan ang iyang kasinatian didto. Ang pag-adto ni Lorna  sa Holy Land, parte sa healing process niya sukad mitaliwan ang iyang bana nga si Rudy Fernandez. 

Angel ug Lui kahugmakon

Gidungog nga natapos na karon ang usa ka tuig ug tunga nga relasyon ni Us Girls host Angel Aquino ug kanhi Magandang Umaga Pilipinas host Lui Villaruz’s, tungod kay matud pa dili na sila magsinabot tungod usab sa ilang age gap. Misamot ang pagduda tungod kay sa Facebook account ni Lui, nausab na kini ngadto sa “Lui Villaruz is no longer in a relationship”. Pero si Angel nanghimakak nga buwag na sila ni Lui, giangkon hinuon niya nga seryoso nilang gituki ang mga isyu nga naghasi sa ilang relasyon hinungdan nga talandugon na ang estado niini karon.