Mga detalyeng angay atangan

• Karong gabii sa pagbalik sa Kapamilya Deal or No Deal,” si Gabby Concepcion. Dungan niini, si Gabby kinsa giuwan karon og intriga nga dili na kaayo maayo mu-arte, mipadayag nga bukas siya sa mga kabag-ohan sa showbiz. “I’m very open to that. I know, thirteen years is thirteen years, marami nang naging pagbabago, meron nang mga bagay-bagay na hindi ko alam. Pero handa naman akong sumabay, I cannot say na nung panahon namin, e, ganito at ganyan, kailangang ako ang umayon sa panahon dahil ako ang bumabalik,” nagkanayon siya ngadto sa beteranang kolumnista sa Pang-Masa, Manay Cristy Fermin.

•l Kung walay kausaban sa schedule, karong Biyernes sa gabii maaninaw ang pagduwa ni kanhi Presidente Joseph Estrada sa   Deal Or No Deal hosted by Kris Aquino sa ABS-CBN. Walay katapusang pasalamat ang gipadayag sa mga tawo luyo sa maong game show tungod kay bisan sa ka-busy ni Erap nasingit gyod ang maong guesting. “Panoorin mo kung paano niya biniro ang mga members ng 24K, kapag nagsabi siya ng number, merong biro yun sa humahawak ng case. Nakakatuwa siya, tawanan nang tawanan ang studio audience, ang lakas-lakas pa rin ng karisma at sense of humor niya,” tsika pa sa usa ka tinubdan sa beteranang kolumnista sa Pang-Masa Manay Cristy Fermin.

• Kung mahimo pa lang pakyawon ni direk Dominic Zapata ang FHM-August issue, iya na kining buhaton aron dili maaninaw sa publiko ang sexy nga lawas sa iyang uyab nga si Krista Ranilla nga maoy pambato sa cover. “Okey lang na magpasexy siya kapag nagpupunta sa beach pero yung sa magasin ang di siya pabor dahil maraming makakakita dito,” nagkanayon ang director sa “Ako Si Kim Sam Soon.”

• Daghan na matod pang gisapot ni Michelle Madrigal sa “Dyesebel” tungod kay wala makauyon ang fans nga isip Berbola, sundogon niini ang nawong ni Dyesebel. Buot ang fans nga tangtangon na si Michelle. Pasalig hinuon sa PM o program manager nga dili na angay mabalaka ang fans kay hapit na matsugi ang character nga Cassandra tungod kay inanay na nga mabuking ang kamatuoran. Masayran na pod ni Ava (Jean Garcia) gikan ni Banak (Lotlot de Leon) nga ang anak niya, si Dyesebel, mitaak na sa yuta aron mangita niini.

• Karong gabii na, 7:15 pm masayran kinsay mugawas nga Ultimate IT girl sa “The Debutante” finalists nga sila si Shinina, Kate, Bea, Michelle ug Sam. Hosted by Marc Nelson, mutabang pod si Rovilson Fernandez, host sa “Ang Pinaka,”  aron pagtino kinsay angay mudaog sa maong reality show sa QTV Channel 11.