Ara gihimakak si Dody

Wala makauyon si Ara Mina sa mga nanggawas nga tsismis karon sa iyang pagka-link kang Dody Puno, ang executive director of Department of Public Works and Highways. “Naku, tigilan na nila ako, ‘no! Kung sinu-sino na lang ang ikinakabit sa pangalan ko ako tuloy ang napapasama.” Kahinumduman nga si Dody Puno usab na-link kaniadto sa gwapang actress nga si Gretchen Barretto. “Matagal ko nang kaibigan si Dody,” nagkanayon si Ara.. “Kami pa lang ni Polo [Ravales], business partner ko na si Dody sa dati kong restaurant [Osteria sa Tomas Morato]. Nagkahiwalay kami ni Polo, business partner pa rin kami ni Dody. Bakit hindi noong panahon na yun kami na-link? Bakit ngayong wala na kaming business relationship at matagal na ring hindi nagkikita saka kami ididikit? Late na, ‘no! Nakakahiya. May non-showbiz girlfriend ngayon si Dody, kilala ko,” panapos sa actress.

Echo ug Anne ang magpares

Si Jericho Rosales na ang gipili sa Viva Films aron mahimong leading man ni Anne Curtis sa period movie niini nga giulohan og “Baler’ nga entry sa umaabot nga Metro Manila Film Festival. Si Anne maoy mudala sa papel sa usa ka Spanish girl nga na-inlove og Katipunero nga si Echo. Ubos kini sa direksiyon ni Mark Meily ug sinulat ni Roy Iglesias. Co-stars nila sa maong pelikula sila si Mark Bautista, Carlo Aquino ug Desiree del Valle.

Movie direktor mipanaw

Namatay ganinang kadlawon (July 6) ang writer-director nga si Felix Dalay tungod sa cancer sa baga. Kahinumduman nga ubay-ubay na usab nga mga pelikula ang giderik niini: Gising Na Si Adan (2002), Sagot Kita: Mula Ulo Hanggang Paa (2000), Pepeng Agimat (1999), Ang Erpat Kong Astig (1998), Dr. X On The Air (1998), Sabong (1998), at Pulis Patola 2 (1995). Si Senator Ramon “Bong” Revilla, Jr. ang bida sa pelikulang Pepeng Agimat. Si Felix Dalay mismo ang nagsuwat sa mga estorya o screenplay sa maong mga pelikula. Usa usab sa mga pelikula nga iyang giderik mao ang Get My Son: Dead or Alive nga gibidahan kaniadto sa mipanaw na nga action star nga si Rudy Fernandez.

Zsazsa Zaturnnah nakadaog

Nakadawat og award ang Zsazsa Zaturnnah sa awarding festival sa Calgary’s Tenth International Gay and Lesbian Awards niadtong May 27 to June 5 featuring gay themed movies sa Canada. Ang nadawat nga award sa maong pelikula mao ang, “Best Super-Awesome-Uber-Whack-Mega-Gaylord-Magic-Surprise Film”. Kahinumduman nga ang Zsazsa Zaturnnah ang nag-inusarang entry gikan sa Pilipinas ug gipaubos pa kini sa screening sa The Plaza Theater niadtong Mayo 30. Ang Calgary festival awards gibahin sa tulo ka mga kategorya, audience awards (Courtney Sebree Aarbo Audience Award), jury awards (Riley Metzger Jury Award) ug special awards (Riley Metzger Honora

Pinay actress, wanted!

Gipangita karon ang usa sa mga artista sa award-winning movie—“Serbis”— nga si Mercedes Cabral aron mutabang og promote sa naasoy nga pelikula nga mobukas na sa mga piniling sinehan lukop nasod karong Miyerkules, Hulyo 9. Suma pa nga bisan unsaon og contact ang dalaga, wala na gyo’y mutubag sa cellphone niini. Dunay mga nagduda nga hayan nauwaw si Mercedes sa iyang mga eksena sa nahisgutang pelikula tungod kay labihan ka sexy niini, ilabi na ang mga eksena diin kauban niya si Coco Martin, diin naaninaw ang hubo niya nga lawas. Ang nakaparat pa mao nga ang still photo sa maong sensitibo nga eksena ang mikatap ug gipistahan karon sa Internet, hinungdan nga hasta ang iyang pamilya apektado sa negatibong mga balita. Hinuon, giklaro sa production team sa Serbis nga bisan og nagpa-sexy si Mercedes, dili siya barat nga babaye nga gikan sa girlie joints, kundili undergraduate siya sa Fine Arts sa University of the Philippines. Swerte matod pa si Mercedes tungod kay bisan newcomer siya, nalakip siya sa pelikulang Serbis, nga gihangop og maayo sa mga delegado sa prestihiyosong Cannes Film Festival sa France niadtong Mayo. Gani, lakip siya sa mga newcomers nga nakatikang sa France, diin gikagubtan ang iyang Pinay beauty sa mga paparazzi sa Cannes. Pero ang mas hugyaw nga tsika nga nasagap sa Banat Hugyaw mao nga posibleng atua lamang sa Korea karon si Mercedes ug nag-shooting alang sa international movie nga giulohan og “Thirst” ubos sa direksyon Park Chan Wok, kansang pelikula nga dunay titulo nga “ Old Boy” midaog sa Cannes niadtong 2004. Ang dugang tsika pa mao nga plano sa maong Korean director nga i-submit sa Cannes ang ‘Thirst’ busa dunay posibilidad nga balik France ang beauty ni Mercedes sunod tuig. Samtang ang Serbis, mubukas dinhi sa Sugbu sa sunod adlaw, pinaagi sa Ultra Vistarama diha sa Pelaez Street, sa downtown. Ang Serbis maoy subling nagdala sa Pilipinas didto sa France human sa pelikula sa batikang si Lino Brocka niadtong 1984.