Alfred Vargas

Dunay sequel ang successful coffee table book ni Alfred Vargas nga migawas duha na katuig ang milabay. Pangutana ni Manay Lolit Solis ngadto sa iyang “alaga” nga si Alfred kung duna pa ba diay kini bag-ong ipakita human siya mihubo gyud sa nahisgutang libro. Apan mitubag si Alfred nga duna pa, busa tubag ni Manay Lolit ngadto sa aktor: “Go Ahead.” Nagdumili si Manay Lolit pagbugtay unsay concept sa musunod nga coffee table book ni Alfred kay nabalaka siya nga makopya unya sa uban ang ideya niini.

Katrina Halili

Wala pa diay publisher ang coffee table book nga dream project ni Katrina Halili, diin nag-pictorial pa ang FHM Sexiest sa nagkadaiyang tourist attractions sa nasud ilabi na sa Boracay. Ang unang migawas nga tsika mao ang FHM maoy momantala niini, apan gitataw nga wala diay labot gyud ang nahisgutang magazine niining maong libro. Pwes, sa maong sitwasyon dugay pa maaninaw ang gipasiatab ni Katrina nga hugyaw nga coffee table book. Panghinaot ni Manay Lolit nga dili lamang kini magpabilin nga dream.