MaCOOLay nga CASHikas
Hola kaBisChika! Yo! Yo! Yo! Hulyo ninyo! MaCOOLay kaayo ang buhay Oi! basta Kapuso, ug makita kini sa mga program nga dalit namo ninyo ilabi na ang inyong paboritong Sunday variety show——Oi! Show Nato Ni!
Before anything else mga kaBischika, ang GMA 7 mopahigayon og auditions karong adlawa sa GMA Complex sa Nivel Hills, Lahug. Kung ikaw nagpangidaron og 16 - 25 years old ug dunay guts ug kung feel nimo angayan ka sa TV kay duna kay talent sa pagkanta, pagsayaw, ug paghost, dalikyat na sa GMA. Just bring one full body photo hasta pud half body photo of yourself. Don’t forget to bring your CD pud diay para sa imong sayaw o kanta. Kita-kitz ta ninyo! Just be yourself and be cool! Sa dugang detalye tawag sa 2320353.
Speaking of coolness mga kaBischika, malingaw gyud mo sa idalit para ninyo sa inyong show karong buntaga kay puno gyud og kasikas ang mahitabo! Pero para sa kadaghanan nga wa kahibaw kung unsa ang pasabot niini, ang “kasikas” kay usa ka lawom nga Cebuano word nga buot pasabot “sound”. Meaning to say, ang inyong show karon kay magsaba-saba pinaagi sa mga papremyo, mga hugyaw nga pakatok, mga hataw nga sayawan ug ngilngig nga kantahan ug watch out mga sisterettes, naay mahitabo nga first ever Search for the Super Gay barangGAY!!! Layshu! Kay since humana man ang search nato for Super Mama unya humana pud ang search for Super Papa, karon tagaan na pud og higayon ang mga barbies, friendivas, sisterettes ug shofatidz nato nga ipakita ang ilang talento ug para pilion kung kinsa ang mamahimong Super Gay nato!
Mao nga ang inyong show nagmugna og Bongga ug Kuyaw kaayo nga mga panghitabo para sa ikatulong Dominggo sa Hulyo ug kini gitawag og “CASHikas sa Oi! Show Nato Ni!”
Watch out for the five lovely candidates nga magtigi sa pashofahay! Gipili gyud ni namo sila sa lain-laing barangay. Di lang sila ang angay ninyong atngan mga kaBisChika, hasta na ang one of the best novelty singers sa Pilipinas nga si Max Surban. As in to the MAXimum level gyud ang inyong masinati karon ilabi na kay ang first ever TLC o Teen Luvyugan Champions, WAVE ONYX makihataw on the dance floor kauban ang inyong Oi! Bestfriend Abby & Oi! Bestfriend Entoy. Pero ang heartthrob nga si Benjamin, di sad pauwahi basta sayawan na ang hisgutan ilabi na nga makauban niya ang SnapSnipers. Unya ang inyong pop sensation nga si Miles kay makig-jamming pud ninyo pinaagi sa PSS Please Sing A Song. Si Ate Recca pud, basta CASHikas ang hisgutan, di sad pauwahi sa iyang Roleta! Mao nga unsa pa ang inyong gipaabot! Wanatch na!
Da ho?
Sa laing bahin mga kaBischika, naa koy chika galore ninyo. Dugay-dugay na gyud mi nga wa magkita ni Aw-Aw pero sa dihang nilugwa ang iyang beauty sa among taping sa Oi!Show Nato Ni!, walay preno nga nibuwa ang iyang baba sa usa ka Bischika ug mao kini: Usa ka Cebuana singer ang wala nay career? Ha? Y man? Ug ngano man? Well, tungod kay wala sila magkasinabtanay sa iyang manager. Mao na nga ang singer stay tuned lang siya sa house kung walay raket. Pero ang pangutana karon nga wala matubag ni Aw-Aw kay “Dili ba kini tungod sa money matters? Or si singer adunay attitude problem or di ba kaha wala siya naka-wait kay gusto na siya magka-Manila career dayon or di ba kaha nagselos siya sa ubang talents ni Manager kay mas gitagaan og pagtagad?” Ang akong masulti, “Let’s wait and see kay sure gyud ko sa dili madugay mahibaw-an nato ang true nga nahitabo sa story.” Kinsa kini siya?
- Latest
